Pavodle nieaficyjnaj infarmacyi, prajekt «JeŭraFest» Pieršaha kanału zakryjuć.
Pravaachoŭnyja orhany praviarajuć raschodavańnie srodkaŭ na padrychtoŭku biełaruskich udzielnikaŭ da mižnarodnaha konkursu «Jeŭrabačańnie‑2009».
Ciapier u Biełteleradyjokampanii pracuje śpiecyjalnaja kamisija. Jak doŭha jana budzie pracavać, u pres‑słužbie kampanii skazać nie zdoleli.
Pavodle adnoj ź viersij, pravierka pravodzicca pa skarzie Piatra Jałfimava, jaki vystupaŭ ad Biełarusi na konkursie. Adnak pradziusier śpievaka Taćciana Kasmačova hetuju infarmacyju abviarhaje.
Skandał vakoł «Jeŭrabačańnia» niadaŭna prakamientavaŭ kiraŭnik dziaržavy.
«Mnie heta ŭžo dobra nadakučyła, — zajaviŭ Alaksandr Łukašenka 22 maja padčas pajezdki ŭ Mahiloŭskuju vobłaść. — Bałbatnia, bojka i inšaje. Staryzna, chłam, inakš nie nazavu. Sabralisia vakoł hetaha, pijarać, moža, jašče i hrošy jakija dzielać. Raźbiaromsia».
Prezident paviedamiŭ, što padrychtoŭkaj da «Jeŭrabačańnia» buduć zajmacca novyja ludzi. «Tydzień tamu novyja ludzi pačali prapracoŭvać novyja prajekty ŭdziełu Biełarusi ŭ «Jeŭrabačańni», — zajaviŭ Łukašenka. Pavodle jaho słoŭ, «buduć zamienieny i kampanii, i ludzi».
Pavodle nieaficyjnaj infarmacyi, padrychtoŭkaj biełaruskich udzielnikaŭ da «Jeŭrabačańnia» u nastupnym hodzie budzie zajmacca telekanał ANT, a prajekt «JeŭraFest» Pieršaha kanała zakryjuć.
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju7
Kamientary