Aleksijevič na sustrečy ź Cichanoŭskaj u Bierlinie: Źbiraju materyjały dla knihi pra hierojaŭ revalucyi
Siońnia Śviatłana Cichanoŭskaja sustrełasia sa Śviatłanaj Aleksijevič u Bierlinie, paviedamlaje telehram-kanał palityka. Jany abmierkavali, jak možna dapamahčy ludziam u Biełarusi. Aleksijevič paviedamiła, što źbiraje materyjały dla mahčymaj knihi — historyi hierojaŭ revalucyi.
Cichanoŭskaja padkreśliła, što na kožnaj sustrečy z zamiežnymi palitykami raspaviadaje historyi biełarusaŭ i što kožnuju ź ich pieražyvaje jak asabistuju. Aleksijevič, u svaju čarhu, padzialiłasia, što była pad uražańniem ad taho, jak pasły roznych krain prajavili salidarnaść i padtrymali jaje ŭ Minsku, kali była niebiaśpieka jaje zatrymańnia. Śviatłana Aleksijevič nie zmahła zastavacca ŭ krainie i adčuvaje vinu za heta.
Uviečary Śviatłana Cichanoŭskaja ŭziała ŭdzieł u mitynhu dyjaspary biełarusaŭ. Kala trochsot čałaviek sa ściahami sabrałasia kala Bierlinskaj kancertnaj zały, na jakoj była mastackaja instalacyja. «Kožny biełarus, niezaležna ad taho, jon doma ci za miažoj, — ciapier hieroj. Zaraz vielmi važna padtrymlivać adno adnaho i mieć znosiny ź jeŭrapiejskimi palitykami, kab jany dapamahali biełarusam», — źviarnułasia Śviatłana da prysutnych.
Paśla hetaha Śviatłana vystupiła ŭ Bierlinskim sabory padčas malitvy za mir u Biełarusi. Zaŭtra jana sustreniecca ź fiederalnym prezidentam Hiermanii Frankam-Valteram Štajnmajeram.
-
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
-
Kolkaść mašyn na polskaj miažy ŭpieršyniu za dva tydni apuściłasia nižej za 4000 aŭtamabilaŭ
-
Zatrymany staršynia Paralimpijskaha kamiteta Aleh Šepiel
Kamientary