23 śniežnia sud Pieršamajskaha rajona Viciebska vynies rašeńnie pavodle dźviuch spravaŭ, zaviedzienych na povara abłasnoj balnicy Alenu Kustavu. Maci dvaich niapoŭnahadovych dačok pryznanaja vinavataj u drobnym chulihanstvie (art. 17.1 KaAP) i ŭ niepadparadkavańni zakonnamu patrabavańniu supracoŭnika MUS (art. 23.4 KaAP). Sudździa Andrej Šydłoŭski aštrafavaŭ žančynu na 3 i 5 bazavych vieličyń adpaviedna (81 i 135 rubloŭ). Sud doŭžyŭsia dva dni, paviedamlaje Viciebskaja viasna.
«Šmat razoŭ prasiła prybrać partret…»
Pavodle pratakołu, 23 listapada Alena Kustava, znachodziačysia ŭ chole internatu na vulicy Zarečnaj, 3 «naŭmysna, z chulihanskich pamknieńniaŭ» źniała sa ściany partret Łukašenki, zaniesła jaho ŭ svoj pakoj i «vyrazała» z ramki. Zamiest partretu na padkładcy napisała «3%» i viarnuła ramku z nadpisam u choł internata «dla ŭsieahulnaj demanstracyi». Pavodle milicyi, svaimi dziejańniami «parušyła hramadski paradak, vykazała jaŭnuju niepavahu da hramadstva».
Z pratakołam Alena Kustava nie zhadziłasia, viny svajoj nie pryznała, choć ad taho, što źniała partret i zaniesła ŭ svoj pakoj, nie admoviłasia. Žančyna patłumačyła, što zrabiła heta z kryŭdy. Pavodle žančyny, štodzień, prachodziačy mima partretu Łukašenki, jana ŭśviedamlała, što jaje žyćcio i sacyjalny status zaležać ad hetaha čałavieka. A 23 listapada Kustava śviatkavała dzień narodzinaŭ.
«Ja šmat razoŭ prasiła zahadčycu internata prybrać partret Łukašenki. Bo paśla vybaraŭ usio hramadstva raskałołasia. Adny — za Łukašenku, druhija — za Cichanoŭskuju. Žyć u krainie, pracavać i nie mieć mahčymaści schadzić navat u kino — heta kryŭdna», — patłumačyła Kustava.
Žančyna ŭdakładniła, što partret nie «vyrazała», a «vyniała i akuratna zharnuła». Napisała «3%», bo mienavita stolki paśla ŭsich vypłat zastajecca na žyćcio ad zarobku. Akramia vartaŭnika na vachcie nikoha nie było, tamu vykazvać niepavahu nie było da kaho. Namieru sarvać dziaržaŭny hierb, jak joj prypisvajecca ŭ raparcie, nie mieła, zapeŭniła Alena Kustava.
«Razmachvała rukami, chapała za abmundziravańnie…»
U druhim pratakole, datavanym 24 listapada, Kustavaj vystavili ŭ vinu toje, što, budučy ŭžo zatrymanaj pavodle art. 17.1 KaAP, jana nie padparadkoŭvałasia zakonnym patrabavańniam staršaha ŭčastkovaha inśpiektara pa spravach niapoŭnahadovych majora milicyi Čyrvonaj. Nibyta «na nieadnarazovyja patrabavańni inśpiektara adkazała kateharyčnaj admovaj, razmachvała rukami, chapała za formiennaje abmundziravańnie».
Svajoj viny pavodle hetaha pratakołu Kustava taksama nie pryznała. Jana patłumačyła, što padziei adbyvalisia nie a 12.00, jak paznačana ŭ pratakole, a paśla 11-ci, bo jaje dzieci jakraz źbiralisia na aŭtobus, jaki adychodzić u 11.32. Dočki musili jechać da babuli, jakaja miełasia advieści ich u himnaziju. Akurat u hety čas zajšli dva supracoŭniki, jakija nie nazvalisia. Pa słovach Kustavaj, dzieci pajšli na aŭtobus, ale ich dahnaŭ opierupaŭnavažany Komleŭ, nie dazvoliŭ dzieciam zajści ŭ aŭtobus, małyja zapłakali. U hety momant padjechała inśpiektarka pa spravach niapoŭnahadovych Čyrvonaja, jakaja musiła pieradać dziaciej babuli. Kustavaj ža zahadali apranacca.
Pavodle abvinavačanaj, u adnoj z dačok pačałasia isteryka: jana napałochałasia. Kustava paprasiła Čyrvonuju vyjści z pakoja, ale taja nie dazvoliła Kustavaj adčynić dźviery. Chtości z žančyn udaryŭ u dźviery. Milicyjant Komleŭ vyrašyŭ, što pamiž imi ŭźnik kanflikt i, užyŭšy siłu, zmusiŭ Kustavu vyjści z pakoja. Jana była dastaŭlenaja ŭ pastarunak, a paśla składańnia pratakołu — u SIZA, dzie praviała sutki.
Sudździa pryznaŭ žančynu vinavataj
U sudzie byli apytanyja vartaŭnička, jakaja vyklikała milicyju, i zahadčyca internata. Milicyjanty Komleŭ i Čyrvonaja zapeŭnivali sud, što suprać dziaciej siły nie ŭžyvali, a dziejańni ŭ dačynieńni da Kustavaj tłumačyli jaje «ahresiŭnymi pavodzinami».
Advakat Aleny Kustavaj prasiŭ spravu ŭ dačynieńni da svajoj padabaronnaj spynić, bo svaimi dziejańniami žančyna nie parušała hramadski paradak. Miž inšym zaŭvažyła, što supracoŭnica Čyrvonaja naahuł nie mieła paŭnamoctvaŭ zatrymlivać Kustavu i dastaŭlać jaje ŭ RAUS.
22 śniežnia razhlad spravy byŭ zavieršany, ale sudździa Andrej Šydłoŭski tak i nie vynies rašeńnia, bo ŭ milicejskich pratakołach było šmat pamyłak. Rašeńnie ahučyŭ tolki na nastupny dzień.
Alenu Kustavu pryznali vinavataj pa abodvuch artykułach. Sud aštrafavaŭ jaje na 3 bazavyja vieličyni (81 rubiel) pavodle art.17.1 KaAP i na 5 bazavych vieličyń (135 rubloŭ) pavodle art. 23.4 KaAP. Ahułam — na 8 bazavych vieličyń (216 rubloŭ).
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary