Staličnyja sudździ buduć pracavać try suboty zapar dla apieratyŭnaha razhladu administracyjnych spraŭ
Minskija sudździ siońnia siońnia razhladali spravy ab administracyjnych parušeńniach i vynosili rašeńni ab «sutkach». Dziažuryć sudździ buduć taksama ŭ suboty 2 i 9 studzienia 2021 hoda.
Adpaviedny zahad Minharsuda apublikavaŭ pazbaŭleny rehistracyi Pravaabarončy centr «Viasna».
Sudździam u rajonnych sudach Mienska daručana ŭstalavać subotnija dziažurstvy z 10.00 da 14.00 pa razhladzie spraŭ ab pravaparušeńniach, za ździajśnieńnie jakich praduhledžany administracyjny aryšt. Pry razhladzie spraŭ dakumient taksama zahadvaje zabiaśpiečyć udzieł dziažurnych advakataŭ.
U zahadzie Minharsuda havorycca, što dadzienaja miera źviazanaja z majučymi adbycca praciahłymi vychodnymi i zroblena dla apieratyŭnaha razhladu spraŭ ab administracyjnych pravaparušeńniach.
«Chacia b raz na try dni pavinien słuchać». Milicyjanier raskazaŭ, jak prasłuchoŭvaŭ biełarusaŭ6
Kamientary