Ministr zdaroŭja pra karanavirus: Da siaredziny — kanca lutaha budzie padzieńnie, zatym, mahčyma, nievialiki rost
Słovy ministra achovy zdaroŭja Dźmitryja Pinieviča cytuje telehram-kanał viedamstva.
Pavodle jaho, «jašče da Novaha hoda śpiecyjalisty zaŭvažyli ŭstojlivuju tendencyju pa źnižeńni zachvorvańnia, jana tyčycca ŭsich rehijonaŭ. Zychodziačy z atrymanych źviestak, było pryniata rašeńnie ab vychadzie niekatorych ustanoŭ z režymu pracy «infiekcyjnych stacyjanaraŭ».
Tak, u Minsku da zvyčajnaha režymu pracy viartajecca 2-i radzilny dom. Paetapna, da pracy pa svaim profili, pierachodzić Respublikanskaja kliničnaja balnica miedycynskaj reabilitacyi (Aksakaŭščyna).
Miedyki prahnazujuć, što paśla vychodnych, na praciahu niekalkich dzion, budzie iści rost kolkaści zvarotaŭ, što źviazana z tak zvanym «adterminavanym zvarotam». Heta štohadovaja tendencyja, jakaja była i da pandemii.
Zatym, jak čakajecca, zachvorvańnie pojdzie na spad, ale rezkaha źnižeńnia čakać nie varta.
— Ja dumaju, da siaredziny — kanca lutaha budzie padzieńnie, zatym, mahčyma, nievialiki rost, źviazany z prychodam zvyčajnych epidemičnych zachvorvańniaŭ, u pryvatnaści, hrypu, — skazaŭ ministr. — Ale my miarkujem, što svoječasova praviedzienaja vakcynacyja (u hetym hodzie vakcynavana bolš za 40% nasielnictva) dazvalaje prahnazavać nievysoki ŭzdym zachvorvańnia. Da pačatku viasny my ŭbačym efiekt ad vakcynacyi [ad hrypu].
Dźmitryj Pinievič taksama adznačyŭ źnižeńnie kolkaści ciažkich pacyjentaŭ na 10-15%.
Ciapier čytajuć
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma6
Kamientary