Daśledavańni, praviedzienyja brytanskaj arhanizacyjaj pa vyvučeńni hramadskaha zdaroŭja, pakazali, što ŭ ludziej, jakija pierachvareli na karanavirus, imunitet zachoŭvajecca pa mienšaj miery na praciahu piaci miesiacaŭ.
Pry hetym vierahodnaść paŭtornaha zaražeńnia na 83% nižejšaja, čym ryzyka zachvareć upieršyniu, piša VVS.
Zrešty, dakładny pieryjad času, na praciahu jakoha arhanizm čałavieka zachoŭvaje imunitet, zastajecca nievyśvietlenym.
U daśledavańni, jakoje pravodziłasia z červienia pa listapad minułaha hoda, adsočvalisia źviestki 6614 supracoŭnikaŭ brytanskaj sistemy achovy zdaroŭja, jakija zachvareli na karanavirus. Z hetaj kolkaści pacyjentaŭ paŭtornaje zaražeńnie było adznačana tolki ŭ 44-ch.
Navukoŭcy padkreślivajuć, što, choć padobnaja statystyka i vyhladaje abnadziejliva, toj, chto chvareje paŭtorna, moža być taki ž zarazny, jak i ŭ pieršy raz. «Kali vy dumajecie, što ŭžo pieranieśli zachvorvańnie i ciapier abaronieny, heta značyć, što vierahodnaść raźvićcia ciažkaj chvaroby ŭ vas vielmi nievialikaja, — tłumačyć adna z aŭtaraŭ daśledavańnia Śjuzan Chopkins. — Ale ŭsio roŭna isnuje ryzyka, što vy atrymajecie infiekcyju i pieradaścio jaje inšym».
U pierachvarełych na Covid-19 nie pavinna być iluzij, što jany sami pa-za niebiaśpiekaj i nie mohuć być pahrozaj dla navakolnych.
Tym bolš, što prysutnaść imunitetu na praciahu piaci miesiacaŭ aznačaje, što ludzi, jakija pieranieśli Covid-19 padčas pieršaj chvali pandemii viasnoj minułaha hoda, ciapier mohuć być znoŭ u niebiaśpiecy.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary