Novaja kniha «Biełaruskaha knihazboru»: ukrainski dziciačy biestsieler pa-biełarusku
U knihi «36 i 6 katoŭ» dziciačaj piśmieńnicy Haliny Udavičenka tolki va Ukrainie — 35 pieravydańniaŭ, 149 tysiač asobnikaŭ! Pra biełaruskaje vydańnie raskazvajuć sami pierakładčyki, družnaja siamja Mališeŭskich-Sprynčan: Alžbeta Mališeŭskaja-Sprynčan, Jaraš Mališeŭski i Aksana Sprynčan.
«Pieršaje, što zmušaje zrabić nazva hetaj knihi, — paličyć. «36 i 6 katoŭ» — viadoma ž, ahułam 42, a padzielenyja jany tak, bo 36 katoŭ — vialikija, a 6 — kacianiaty. Ci mohuć hetulki katoŭ žyć u maleńkaj kvatery? Pasprabujcie raźmiaścić, a kali nie atrymajecca — davierciesia znakamitaj ukrainskaj aŭtarcy Halinie Udavičenka. Prynamsi, kali vy nabudziecie jejnuju knihu, «36 i 6 katoŭ» buduć zaŭždy z vami. A na staronkach knihi 42 katy namalavała niepaŭtornaja mastačka Natałka Hajda.
Jak knihu nazavieš — hetak jana i budzie «lubić» ličby: 35 pieravydańniaŭ, 149 tysiač asobnikaŭ — tolki va Ukrainie. Zrazumieła, što Halina Udavičenka — aŭtarka najpapularniejšaj sieryi. Tolki ŭjavicie: 19-y nakład «36 i 6 katoŭ» (vydajuć z 2015 hoda) — ahułam 75 tysiač, 10-y nakład «36 i 6 katoŭ-detektyvaŭ» (z 2017 hoda) — ahułam 46 tysiač, 6-y nakład «36 i 6 katoŭ-kampańjonaŭ» (z 2019 hoda) — ahułam 28 tysiač.»
Knihi pierakładzienyja na mnohija movy śvietu. I ŭ Biełarusi ŭžo možna nabyć dźvie knihi z hetaj sieryi: «36 i 6 katoŭ» i «36 i 6 katoŭ-detektyvaŭ», pierakładzienyja našaj siamjoju. Heta vielmi cikavy dośvied siamiejnaha ščaścia i pierakładu, bo dazvalaje ŭsioj siamji žyć praciahły čas z ulubionymi hierojami. I da taho ž 2/3 pierakładnikaŭ dałučycca da svaich ukrainskich karanioŭ. I choć nam daspadoby ŭsie, ale ž Aksana abrała, što joj bližej Broŭčyk (pierakład z rumynskaj proźvišča Sprynčan), Alžbeta lubić Žaržetu, Jaraš — Viertuna. Usie katy sa svaimi charaktarami, ale padzielenyja na siabroŭskija supołki: sutarennyja katy, chaŭčyki, viarhińki, kalarovyja, tancory, katy z susiedniaj bramy i małyja. Da prykładu, Sardel, Chaŭčyk, La Sasis, Kaŭbasik, Skurka i Špondarmien — chaŭčyki, a Brejkier, Stepik, Pušynka, Rabakop, Chvastula i Viartun — tancory.
Padajecca, što historyja nievierahodnaja, ale nasamreč, kali pierakładali, uściaž zhadvali «sapraŭdnuju spadaryniu Krepavu», cudoŭnuju biełarusku Volhu Kuźmič, jakaja ratuje žyvioł. Bo ŭ Biełarusi cudoŭnyja ludzi paŭsiul: i ŭ žyćci, i ŭ knihach, i, biezumoŭna, jany lubiać čytać. Asabliva cikavyja i śmiešnyja pryhody. Mienavita takija knihi lubić vydavać dyrektar «Biełaruskaha knihazboru» Hienadź Viniarski.
Usim viadomaja tradycyja: na ŭłaziny pieršym zapuskać u novuju chatu kata. Ciapier možna pieršym zapuścić nie adnaho kata, a «36 i 6 katoŭ» i «36 i 6 katoŭ-detektyvaŭ». Dy i ŭ staroj chacie toje budzie darečy.
Kali vy lubicie katoŭ, hetuju knihu niemahčyma nie nabyć. Kali vy nie lubicie katoŭ, vy ich palubicie. Kali niejkim dzivosnym čynam vy nie palubicie katoŭ, vy zastaniaciesia ščaślivym, što nie ŭ vašaj kvatery žyvuć 36 i 6 katoŭ».
Zamović možna ŭ kramie «Moj modny kut», Knihanoša.baj, kramie «Ryžy kot» u HC «Ryha», na knihi.by, u haradzienskaj «Cudoŭni». Kupić možna ŭ «Akademknizie», Centralnaj kniharni, «Śvietačy», «Viedach», «Knihach i knižačkach», a taksama i ŭ inšych najvialikšych kniharniach Biełarusi!
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary