4 červienia 1989 hoda ŭ kamunistyčnaj jašče Polščy adbylisia parłamienckija vybary, pa vynikach jakich «Salidarnaść» sfarmavała ŭrad.
4 červienia 1989 hoda ŭ kamunistyčnaj jašče Polščy adbylisia parłamienckija vybary, pa vynikach jakich «Salidarnaść» sfarmavała ŭrad.
Tyja vybary nazyvajuć častkova volnymi, bo pavodle ŭmovaŭ, vypracavanych u časie ahulnanacyjanalnaha «kruhłaha stała», 65% miescaŭ u nižniaj pałacie parłamienta (Siejmie) zamacoŭvałasia za pradstaŭnikami Polskaj abjadnanaj pracoŭnaj partyi i partyj-satelitaŭ. U vierchniaj pałacie (Sienacie) nijakich abmiežavańniaŭ nie praduhledžvałasia, i tut «Salidarnaść» atrymała 99 sa 100 miescaŭ.
Pieršy demakratyčna abrany ŭrad uznačaliŭ Tadevuš Mazaviecki, vice-premjeram, a taksama ministram finansaŭ staŭ Lešak Balcarovič – pačynalnik rynkavych reformaŭ u postkamunistyčnaj Polščy. Nielha nie ŭzhadać i Lecha Valensu – lidera «Salidarnaści», łaŭreata Nobieleŭskaj premii, jaki paźniej byŭ abrany pieršym prezidentam Polščy.
Śviatočnyja mierapryjemstvy projduć u Varšavie i, naturalna, u Hdańsku, na čyich sudnavierfiach i zaradziłasia polskaja salidarnaść. Tut na kancercie «Pačałosia ŭ Polščy» vystupić hurt «Scorpions». Pavinšavać palakaŭ pryjeduć hanarovyja hości ź Litvy, Bałharyi, Słavakii, Čechii, Niamieččyny i ZŠA.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova7
Kamientary