Karjerny dypłamat Pavieł Łatuška pryznačany ministram kultury.
Šerah kadravych pierastanovak zrabiŭ u sieradu Alaksandr Łukašenka. Siarod ich vyłučajecca pryznačeńnie ministram kultury dypłamata Paŭła Łatuški.
Da hetaha Pavieł šeść hadoŭ pracavaŭ pasłom Biełarusi ŭ Polščy, ale ad vosieni čakaŭ novaha pryznačeńnia. Chadzili čutki, što Łatuška moža stać adnym z namieśnikaŭ kiraŭnika Administracyi prezidenta.
Pavieł Łatuška adzin ź niamnohich dziaržaŭnych čynoŭnikaŭ, jaki paśladoŭna i padkreślena karystajecca biełaruskaj movaj.Pryznačeńnie byłoha pasła ministram kultury možna razhladać jak žest Łukašenki ŭ adras biełaruskamoŭnych i nacyjanał-libierałaŭ. U lubym vypadku sumniavacca nie prychodzicca, što spravy ŭ kultury pojduć viesialej.
Pavieł Łatuška naradziŭsia ŭ 1973 hodzie ŭ Minsku. Skončyŭ jurydyčny fakultet BDU (1995), choć pačynaŭ vučycca na histaryčnym. Zavočna skončyŭ Biełaruski linhvistyčny univiersitet (1996). Potym zajmaŭ roznyja pasady ŭ struktury MZS. U 2000‑2002 hadach pres‑sakratar MZS. Ad 2002 pa 2008 hady byŭ pasłom Biełarusi ŭ Polščy. Byŭ najmaładziejšym biełaruskim pasłom.
Były ministr kultury Uładzimir Matviajčuk pryznačany pamočnikam Łukašenki. Što praŭda, nie adznačajecca pa jakich pytańniach.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova6
Kamientary