Hramadstva

Asudžany na 5 hadoŭ palitviazień Vitold Ašurak: Upeŭnieny, što ciaham 2021 hoda ja apynusia na voli

Palitźniavoleny Vitold Ašurak, jakoha 18 studzienia ŭ Lidskim rajonnym sudzie asudzili na 5 hadoŭ kałonii ahulnaha režymu, u čarhovym liście da siabroŭ piša, jak usprymaje svoj prysud i kamu vyhadna zaciahvać čas pieramien u Biełarusi.

List drukuje «Novy čas».

Prysud u 5 hadoŭ źniavoleńnia nie staŭ dla jaho niečakanym, piša Vitold, «tamu što my dobra viedajem našych vorahaŭ. Im nie treba mieć hramadzianskuju supolnaść u krainie — zanadta šmat kłopatu i zaŭždy jość ryzyka stracić stratehičnuju inicyjatyvu».

Adnak, zaznačaje Vitold, jany jaje ŭžo stracili.

«Usie ich dziejańni — spres refleksii. Heta značyć, što ich mahčymaściaŭ i patencyjału chapaje tolki na toje, kab reahavać na dziejańni i inicyjatyvy hramadzianskaj supolnaści».

U toj ža čas, na dumku Vitolda, jany razumiejuć, što tak, jak raniej, užo nie budzie, ale im patrebny čas, kab vyvieści na palityčnuju arenu svaich «palitykaŭ-łabistaŭ».

«Našyja vorahi (samyja razumnyja ź ich) imknucca ciapier zaciahnuć čas pieramien. Palityka, jaki simvalizavaŭ ich status-kvo i harantavaŭ im niedatykalnaść, jany ŭžo śpisali na śmietnik historyi. Dla ich jon užo palityčny niabožčyk. Ale im patrebna ŭtrymać svaje pazicyi. Tamu, karystajučysia ŭładaj, jany i sadziać palityčnych supiernikaŭ. Prostymi słovami — vydalajuć z hramadskaha žyćcia. Nie dumaju, što sudździa Fiłataŭ, kali davaŭ mnie 5 hod, surjozna spadziavaŭsia na toje, što ja adsiedžu ŭsie 5 hod. Ale hetym ludziam patrebny niejki čas, kab «vyvieści ŭ ludzi» svaich palitykaŭ-łabistaŭ, na jakich niama plamaŭ złačynnaha režymu. Hetyja adukavanyja, pryhožyja i «cudoŭnyja» ludzi źjaviacca (albo ŭžo źjavilisia) u samy bližejšy čas! Mnie zdajecca, jany buduć mieć samyja roznyja prahramy i naležać da roznych bakoŭ palityčnaha śpiektra, ale hałoŭnaje, što budzie ich jadnać, heta ćviordaje pierakanańnie, što «nam treba abjadnacca», što «nie treba cierušyć minułaje», što «hramadstva nie pavinna być raskołatym».

Razumnyja vorahi razumiejuć, što biessensoŭna siekčy hałovy «hidry revalucyi», bo zamiest adnoj adsiečanaj vyrastajuć 10 novych! Razumnyja vorahi intehrujuć u hramadstva svaich lohka kiravanych staŭlenikaŭ».

Vitold Ašurak upeŭnieny, što ciaham 2021 hoda jon akažacca na voli.

«Što tyčycca mianie, to termin u 5 hod ja ŭsprymaju jak adznaku «vydatna» za toje, što mieŭ honar padniać pachodniu paŭstańnia suprać dyktatury siarod samych lepšych ludziej Lidy! Sapraŭdy, dla mianie heta honar!»

Listy Vitoldu Ašurku možna dasyłać na adras: turma №1, 230023, h. Hrodna, vuł. Kirava, 1 

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Muž prymušaŭ mianie zajmacca seksam utroch». Historyja hvałtu, jakoha nichto nie zaŭvažaŭ6

«Muž prymušaŭ mianie zajmacca seksam utroch». Historyja hvałtu, jakoha nichto nie zaŭvažaŭ

Usie naviny →
Usie naviny

Na polska-litoŭskaj miažy zatrymali biełarusa, jaki vioz u bahažniku jehipcianina1

Mir — heta hrech. Rasijski śviatar abvinavaciŭ tych, chto suprać vajny, u duchu antychrysta8

«Apošnimi dziećmi, jakich błasłaviŭ Papa Francišak, byli maje». Biełaruski biznesoviec raspavioŭ, jak chryściŭ synoŭ u Vatykanie3

Pobač z Nacbankam vystraiłasia vialikaja čarha. Chtości navat stajaŭ usiu noč

Ukraina atakavała arsienał daloka za Maskvoju, idzie evakuacyja žycharoŭ

Śpiecpradstaŭnik Trampa Kiełah nazvaŭ Pucina hałoŭnaj pieraškodaj na šlachu da spynieńnia ahniu va Ukrainie3

«Kibierpank u Astanie». U Kazachstanie padčas repietycyi parada dron zahadaŭ dziaŭčynie adyści ad akna1

U Maskvie dvornikam razdali binokli i zahadali kruhłasutačna šukać u niebie bieśpiłotniki4

U Maskvie i Padmaskoŭi prablemy z suviaźziu2

bolš čytanych navin
bolš łajkanych navin

«Muž prymušaŭ mianie zajmacca seksam utroch». Historyja hvałtu, jakoha nichto nie zaŭvažaŭ6

«Muž prymušaŭ mianie zajmacca seksam utroch». Historyja hvałtu, jakoha nichto nie zaŭvažaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić