86 deputataŭ parłamienta Šviejcaryi zapatrabavali vyzvaleńnia Natalli Chierše
Šviejcarskija deputaty ŭ liście da ministra zamiežnych spraŭ Biełarusi Uładzimira Makieja napisali, što najaŭnaść u Biełarusi palitviaźniaŭ nie daje raźvivacca miždziaržaŭnym adnosinam.
U adkrytym liście, apublikavanym napiaredadni zapłanavanaha na 16 lutaha razhladu apielacyjnaj skarhi Natalli Chierše, deputaty adrasavali ministru zamiežnych spraŭ Biełarusi patrabavańnie nieadkładnaha vyzvaleńnia hramadzianki Šviejcaryi, a taksama bolš čym 240 inšych palitźniavolenych u Biełarusi.
Adkryty list padpisali pradstaŭniki ŭsich hrupaŭ Fiederalnaha parłamientu.
Uładzimira Makieja prosiać «zabiaśpiečyć vyzvaleńnie Chierše nie paźniej za vyniasieńnie prysudu ŭ apielacyjnaj instancyi». Deputaty ličać, što Natalla jak hramadzianka Šviejcaryi pavinna atrymać dazvoł nieadkładna viarnucca ŭ krainu.
Źniavoleńnie Natalli Chierše i inšych palitviaźniaŭ nazyvajecca «surjoznym ciažaram u źniešniepalityčnych dačynieńniach» Šviejcaryi i Biełarusi.
Natallu Chierše, jakaja 10 hadoŭ tamu pierajechała ŭ Šviejcaryju, asudzili da 2,5 hoda pazbaŭleńja voli za sarvanuju z amapaŭca bałakłavu. U 2020 hodzie jana pryjechała ŭ adpačynak na radzimu, dzie brała ŭdzieł u pratestach suprać Łukašenki.
Čytajcie:
«U Šviejcaryi ŭ jaje było cudoŭnaje žyćcio, ale jana ličyła, što ciapier musić być na radzimie». Chto takaja Natalla Chierše, jakuju pasadzili za sarvanuju bałakłavu
Pravaabaroncy pryznali hramadzianku Šviejcaryi Natallu Chierše palitviaźniem
Što adbyvajecca z čałaviekam padčas haładoŭki? Raskazvajuć doktar i biełarus, jaki haładaŭ na pratest piać razoŭ
Palitźniavolenaja Natalla Chierše haładoŭkaj damahłasia vykanańnia svaich patrabavańniaŭ
Vylecieła ŭ nieviadomym kirunku śpikierka KR Anžalika Mielnikava30
Kamientary