ZŠA nadaje šmat uvahi raspracoŭcy hipierhukavoj zbroi. Adnak Rasija ŭžo zrabiła vialiki krok u hetym kirunku, a na hetym tydni źjaviłasia prapanova, kab hipierhukavaja zbroja stała asnovaj rasijskich sił strymlivańnia.
Hipierhukavaja zbroja — rakietnaja zbroja, zdolnaja ździajśniać palot u atmaśfiery z hipierhukavoj chutkaściu (bolš za 5 Machaŭ) i manieŭravać z vykarystańniem aeradynamičnych sił.
«Uzmacniajecca patencyjał sił niajadziernaha strymlivańnia, pierš za ŭsio vysokadakładnaj zbroi. Ich asnovu buduć składać hipierhukavyja kompleksy», — zajaviŭ ministr abarony Rasii Siarhiej Šajhu na štohadovaj apieratyŭna-mabilizacyjnaj naradzie z kirujučym składam Uzbrojenych Sił u aŭtorak. Pa acency ministra abarony, «armija i fłot zaŭsiody vykonvajuć zadačy, jakija patrabujuć ad kamandziraŭ hłybokaha vałodańnia abstavinami, viedańnia mahčymaściej svaich sił i srodkaŭ, tvorčaha padychodu i razumnaj inicyjatyvy».
Na minułym tydni Šajhu abmiarkoŭvaŭ z rasijskim vajennym kiraŭnictvam dadatkovyja zakupki hipierhukavoj i vysokadakładnaj zbroi vialikaj dalokaści, paviedamlaje The National Interest.
«Pytańnie raspracoŭki i ŭviadzieńnia ŭ ekspłuatacyju vysokadakładnaj zbroi vialikaj dalokaści znachodzicca na asablivym kantroli prezidenta Rasijskaj Fiederacyi», — śćviardžaje Šajhu. «U krasaviku my pavinny paviedamić kiraŭniku dziaržavy ab prahresie ŭ hetaj halinie».
Raspracoŭka hipierhukavoj zbroi — adna z halin, u jakoj Maskva maje značnuju i patencyjna surjoznuju pieravahu pierad ZŠA. Rasija vypraboŭvaje novy kłas hipierhukavych rakiet «Cyrkon», jakija pakazvajuć vielmi vysokuju chutkaść (da 8 Machaŭ). Patencyjnaja cel nie maje času na reakcyju.
Hipierhukavyja rakiety nastolki chutkija, što im nie patrebna vybuchoŭka, bo ŭsio, što ruchajecca z hipierhukavoj chutkaściu vyklikaje vybuch, kali dasiahaje celi. U toj ža čas uchilicca ad takoj zbroi amal niemahčyma.
Ličycca, što Rasija stała pieršaj dziaržavaj, jakaja stvaryła hipierhukavyja rakiety padvodnaha baziravańnia. Heta dazvalaje rakietanoscu zastavacca niabačnym i bolš mabilnym. Kab zapuścić rakiety, nie treba ŭspłyvać na pavierchniu, tamu padvodnyja łodki mohuć jašče bližej padpłyvać da celi i skaračać abmiežavany čas dla reakcyi celi.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary