ЗША надае шмат увагі распрацоўцы гіпергукавой зброі. Аднак Расія ўжо зрабіла вялікі крок у гэтым кірунку, а на гэтым тыдні з’явілася прапанова, каб гіпергукавая зброя стала асновай расійскіх сіл стрымлівання.
Гіпергукавая зброя — ракетная зброя, здольная здзяйсняць палёт у атмасферы з гіпергукавой хуткасцю (больш за 5 Махаў) і манеўраваць з выкарыстаннем аэрадынамічных сіл.
«Узмацняецца патэнцыял сіл няядзернага стрымлівання, перш за ўсё высокадакладнай зброі. Іх аснову будуць складаць гіпергукавыя комплексы», — заявіў міністр абароны Расіі Сяргей Шайгу на штогадовай аператыўна-мабілізацыйнай нарадзе з кіруючым складам Узброеных Сіл у аўторак. Па ацэнцы міністра абароны, «армія і флот заўсёды выконваюць задачы, якія патрабуюць ад камандзіраў глыбокага валодання абставінамі, ведання магчымасцей сваіх сіл і сродкаў, творчага падыходу і разумнай ініцыятывы».
На мінулым тыдні Шайгу абмяркоўваў з расійскім ваенным кіраўніцтвам дадатковыя закупкі гіпергукавой і высокадакладнай зброі вялікай далёкасці, паведамляе The National Interest.
«Пытанне распрацоўкі і ўвядзення ў эксплуатацыю высокадакладнай зброі вялікай далёкасці знаходзіцца на асаблівым кантролі прэзідэнта Расійскай Федэрацыі», — сцвярджае Шайгу. «У красавіку мы павінны паведаміць кіраўніку дзяржавы аб прагрэсе ў гэтай галіне».
Распрацоўка гіпергукавой зброі — адна з галін, у якой Масква мае значную і патэнцыйна сур’ёзную перавагу перад ЗША. Расія выпрабоўвае новы клас гіпергукавых ракет «Цыркон», якія паказваюць вельмі высокую хуткасць (да 8 Махаў). Патэнцыйная цэль не мае часу на рэакцыю.
Гіпергукавыя ракеты настолькі хуткія, што ім не патрэбна выбухоўка, бо ўсё, што рухаецца з гіпергукавой хуткасцю выклікае выбух, калі дасягае цэлі. У той жа час ухіліцца ад такой зброі амаль немагчыма.
Лічыцца, што Расія стала першай дзяржавай, якая стварыла гіпергукавыя ракеты падводнага базіравання. Гэта дазваляе ракетаносцу заставацца нябачным і больш мабільным. Каб запусціць ракеты, не трэба ўсплываць на паверхню, таму падводныя лодкі могуць яшчэ бліжэй падплываць да цэлі і скарачаць абмежаваны час для рэакцыі цэлі.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары