Uviečary 1 sakavika ŭ Minsku byŭ zatrymany pravaabaronca i siabra rady pazbaŭlenaha rehistracyi pravaabarončaha centra «Viasna» Źmicier Sałaŭjoŭ. Napiaredadni jon vyjšaŭ na volu paśla administracyjnaha aryštu 16 lutaha.
Jaho dastavili ŭ Śledčy kamitet, dzie dapytali ŭ jakaści padazravanaha pa kryminalnaj spravie pa art. 342 Kryminalnaha kodeksa (Hrupavyja dziejańni, jaki hruba parušajuć hramadski paradak). Paśla dopytu Źmitra adpuścili pad padpisku ab niavyjeździe, paviedamlaje spring96.org.
Padčas masavaha napadu na pravaabaroncaŭ i žurnalistaŭ 16 lutaha ŭ dom Źmitra Sałaŭjova pad Minskam uvarvalisia supracoŭniki AMAPa i HUBAZiKa i praviali pieratrus, kanfiskavali techniku. Pieratrus adbyvaŭsia ŭ miežach kryminalnaj spravy pa art. 342 KK RB.
Paśla pieratrusu pravaabaronca byŭ zatrymany.
18 lutaha Sałaŭjoŭ byŭ asudžany na 12 sutak aryštu pa art. 23.34 KaAP. Na jaho domie ŭbudavany bietonny bareljef z «Pahoniaj», i sudździa suda Minskaha rajona Anžalika Kazłova paličyła heta pikietavańniem. 28 lutaha jaho vyzvalili ź izalatara časovaha ŭtrymańnia.
Kamientary