Va Ŭkrainie marš žančyn užo piać hadoŭ ładziać supolna feministyčnyja dy pravaabarončyja arhanizacyi. Štohod 8 sakavika žančyny vychodziać z patrabavańniem da ŭkrainskich uładaŭ ratyfikavać Stambulskuju kanvencyju ab papiaredžańni i baraćbie z hvałtam suprać žančyn i chatnim hvałtam, paviedamlaje Radyjo Svaboda.
Inicyjatary praviadzieńnia akcyi pierakananyja, što pandemija karanavirusu jašče bolš abvastryła prablemy chatniaha hvałtu nad žančynami i abarony ichnych pravoŭ. Aproč taho, 82% medyčnaha persanału, jaki dapamahaje pacyjentam z karanavirusam, taksama žančyny.
Sioleta ŭpieršyniu asobnaj kalonaj u maršy ŭdzielničali biełaruski, jakija vymušanyja byli ŭciakać va Ŭkrainu ad hvałtu i represij siłavych struktur Biełarusi paśla prezydenckich vybaraŭ, a taksama tyja, chto ŭžo peŭny čas žyvie va Ŭkrainie.
Ź inicyjatyvaj dałučycca da maršu žančyn vystupili Free Belarus Centre, jaki byŭ stvorany va Ŭkrainie dla dapamohi biełarusam-uciekačam, feministyčnaja hrupa Kaardynacyjnaj rady, a taksama inicyjatyva «Maršyruj, dzietka!», stvoranaja ŭ 2018 hodzie ŭ Biełarusi ŭ adkaz na admovu ŭładaŭ ad raspracoŭki zakonaprajektu ab papiaredžańni chatniaha hvałtu.
Arhanizatary biełaruskaj kalony nahadali, što žanočy marš u Biełarusi staŭ pieršym šmatlikim maršam, jaki pieravioŭ pratest u mirny nakirunak.
«Na praciahu 26 hadoŭ kiravańnia režymu rytoryka dziaržavy była patryjarchalnaj, pakazvajučy žančynu, jak zručny abjekt u pobycie, nie abaraniajučy žančyn ad chatniaha hvałtu, zabaraniajučy žančynam pracavać tam, dzie jany chočuć, prynižajučy, abražajučy žančyn i zvodziačy da «adzinaj hałoŭnaj roli — maci, haspadyni doma». 2020 hod pakazaŭ, što žančyny majuć pravy i svabody, što žančyny źjaŭlajucca palityčnymi subjektami, što žančyny mohuć naŭprost, adkryta i publična zajaŭlać pra svaje pravy», — pierakananyja arhanizatary.
U akcyi ŭdzielničali bolš jak dźvie tysiačy čałaviek. Kalonu va ŭzmocnienym režymie achoŭvali supracoŭniki palicyi i Nacyjanalnaj hvardyi Ŭkrainy, kab paźbiehnuć kanfliktaŭ z praciŭnikami feministyčnaha ruchu. U pryvatnaści, svajo abureńnie vykazała arhanizacyja «Tradycyi i paradak».
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary