Pra heta Tut.by paviedamiŭ aficyjny pradstaŭnik viedamstva Anatol Hłaz.
— Tak, viadoma, my ŭ kursie hetaj situacyi, zajmajemsia joj u ramkach akazańnia konsulskaha sadziejničańnia biełaruskim hramadzianam. Ciapier udakładniajem usie akaličnaści, pracujem z pradstaŭnikami ŭładaŭ adpaviednaj krainy. Kali budzie bolš padrabiaznaja infarmacyja, my abaviazkova jaje damo, — paviedamiŭ Anatol Hłaz.
Nahadajem, 23 sakavika stała viadoma ab zatrymańni ŭ DRK Alaksandra Zinhmana. Pavodle infarmacyi ŚMI, Zinhman byŭ aryštavany kanhalezskaj palicyjaj u Łubumbašy paśla sustrečy z byłym prezidentam krainy Žazefam Kabiłaj.
Pavodle źviestak ŚMI, Zinhman maje dva hramadzianstva — ZŠA i Biełarusi. Pa słovach kanhalezskimi krynicy, urady Abjadnanych Arabskich Emirataŭ i Zimbabve akazvali cisk z metaj jaho vyzvaleńnia. Adnak Kanhalezski čynoŭnik skazaŭ, što jany «pakul buduć jaho ŭtrymlivać».
Alaksandr Zinhman byŭ doŭhi čas niepubličnym čałaviekam, i pra jaho isnavańnie mała chto viedaŭ u Biełarusi. Adnak usio źmianiłasia ŭ studzieni 2019 hoda, kali jon staŭ hanarovym konsułam Zimbabve ŭ Minsku. Zimbabvijskija ŚMI nazyvali Zinhmana to «daradcam» kiraŭnika USP Viktara Šejmana, to viadomym biełaruskim biznesoŭcam. U Biełarusi Alaksandr Zinhman byŭ bolš viadomy tym, što jahonaja siamja kiruje fiešenebielnym restaranam Falcone ŭ Minsku.
Čytajcie taksama: ŚMI: U aeraporcie DR Konha zatrymany blizki da Šejmana hanarovy konsuł Biełarusi ŭ Zimbabve
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary