Mižnarodnyja ŚMI paviedamlajuć, što ŭ aeraporcie Łubumbašy (Demakratyčnaja Respublika Konha) zatrymany Alaksandr Zinhman — hanarovy konsuł Zimbabve ŭ Biełarusi i, jak pišuć ŚMI, čałaviek, ciesna źviazany ź Viktaram Šejmanam.
Voś videa zatrymańnia:
Pavodle infarmacyi ŚMI, Zinhman byŭ aryštavany kanhalezskaj palicyjaj u Łubumbašy paśla sustrečy z byłym prezidentam krainy Žazefam Kabiłaj, piša Tut.by.
Blizkaja da Administracyi prezidenta DRK Fieliksa Čysiekiedzi krynica paćvierdziła fakt zatrymańnia Zinhmana. Jana skazała, što paśla sustrečy z Kabiłaj Zinhman vylecieŭ z Kinšasy ŭ Łubumbašy, dzie byŭ dapytany palicyjaj ab jaho biznesie ŭ DRK. Krynica śćviardžaje, što jon nie zmoh rastłumačyć pryčynu znachodžańnia ŭ Konha.
Pavodle źviestak ŚMI, Zinhman maje padvojnaje hramadzianstva ZŠA i Biełarusi. Pa słovach kanhalezskich krynic, urady AAE i Zimbabve akazvali cisk z metaj jaho vyzvaleńnia. Adnak kanhalezski čynoŭnik skazaŭ, što jany «pakul buduć utrymlivać jaho».
Inšaja krynica ŭ DRK śćviardžaje, što Zinhman prapanoŭvaŭ pradać zbroju byłomu prezidentu, adnosiny jakoha ź jaho pierajemnikam ličacca napružanymi. Krynica skazała, što niama nijakich dokazaŭ taho, što Kabiła zaprašaŭ na sustreču abo zhadžaŭsia na jakija-niebudź ździełki pa zbroi.
Alaksandr Zinhman byŭ doŭhi čas niepubličnym čałaviekam i pra jaho isnavańnie mała chto viedaŭ u Biełarusi. Adnak usio źmianiłasia ŭ studzieni 2019 hoda, kali jon staŭ hanarovym konsułam Zimbabve ŭ Minsku. Ofis raźmiaściŭsia ŭ budynku «Prezident-hatela», jaki znachodzicca na bałansie Upraŭleńnia spravami prezidenta (USP). Tam ža raźmiaščajecca i pradstaŭnictva kampanii Aftrade DMCC, vyśvietliŭ «Biełsat».
U Biełarusi Alaksandr Zinhman byŭ bolš viadomy tym, što jahonaja siamja kiruje fiešenebielnym restaranam Falcone u Minsku. Paźniej źjaviłasia infarmacyja, što hety biznesmien zajmajecca pastaŭkami mašynabudaŭničaj i vajennaj techniki ŭ krainy Afryki. Zinhman zaŭsiody admaŭlaŭ svajo dačynieńnie sa ździełkami sa zbrojaj u Zambii i Zimbabve.
Afrykanskija ŚMI nazyvajuć Alaksandra Zinhmana hałoŭnym bienieficyjaram zarehistravanaj u AAE kampanii Aftrade DMCC. Pavodle sajta kampanii, jana zajmajecca pastaŭkami biełaruskaj techniki (MAZ, MTZ, «BiełAZ», Homsielmaš, MZKC) u Afryku. Hiendyrektar Aftrade DMCC-Aleh Vodčyc, były namieśnik hiendyrektara «Pramahralizinh». Pavodle infarmacyi «Jeŭraradyjo», jon taksama byŭ zatrymany razam ź Zinhmanam.
U kastryčniku 2020 hoda Alaksandr Zinhman atrymaŭ aŭdyjencyju ŭ premjer-ministra DRK Silviestra Iłunhi, jaki padtrymlivaje dobryja adnosiny z Žozefam Kabiłaj. Jak paviedamlajuć miascovyja ŚMI, u chodzie pieramoŭ biełaruski biznesoviec paznačyŭ svoj intares na kanhalezskima rynku. Heta — inviestycyi ŭ sielskuju haspadarku, hornazdabyŭnuju pramysłovaść, transpart, zbor adchodaŭ i abaronu. ŚMI adznačyli, što na sustrečy ź biełaruskaj delehacyjaj prysutničali kiraŭniki adpaviednych ministerstvaŭ kabinieta Silviestra Iłunhi, uklučajučy ministra abarony. Pradstaŭniki Aftrade DMCC taksama prapanavali zabiaśpiečyć mabilizacyju finansavańnia mahčymych prajektaŭ za košt resursaŭ afrykanskaha Trade & Development Bank (TDB) i biełaruskaha Banka raźvićcia.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary