A.Ramašeŭskaja nie vyklučaje, što ŭ praniknieńni ŭ kvateru zamiašanyja biełaruskija śpiecsłužby.
U Varšavie razhromlena i abkradziena kvatera dyrektara telekanała «Biełsat» Ahnieški Ramašeŭskaj.
«Pazaŭčora [14 červienia] Ahnieška z mužam viarnułasia z vodpusku i zastali ŭ kvatery razhrom, — paviedamiŭ BiełaPAN kiraŭnik słužby infarmacyi «Biełsata» Alaksiej Dzikavicki.
— Usio było pierakulena: palicy, šafy. Va unitazie lažali niejkija dakumienty. U kvatery nielha było navat pieranačavać».
Pavodle słoŭ A.Dzikavickaha, zamok byŭ uskryty admyčkaj, u kvatery adsutničajuć adbitki palcaŭ, z kaštoŭnych rečaŭ źnikli tolki try załatyja łancužki i niekalki siarebranych piarścionkaŭ. «Aprača taho, majka, jakaja visieła ŭ šafie z nadpisam na anhlijskaj movie ab niebiaśpiecy žurnalisckaj prafiesii, była raskładziena na kreśle. Usio heta daje padstavy śćviardžać, što ŭ kvatery pabyvali nie zusim zvyčajnyja złodziei. Palicejskija zajavili, što pracavali prafiesijanały», — skazaŭ supracoŭnik «Biełsata».
Sama A.Ramašeŭskaja nie vyklučaje, što ŭ praniknieńni ŭ kvateru zamiašanyja biełaruskija śpiecsłužby.
«Heta vielmi niepryjemnaje pačućcio, nibyta tabie kažuć: «Bačym ciabie, sočym za taboju, možam uvajści ŭ tvaju kvateru». Mahčyma, raźličvali na efiekt zapałochvańnia, bo niama dokazaŭ, što heta było prosta ŭvarvańnie z kradziažom», — cytuje dyrektara «Biełsata» sajt kanała.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary