А.Рамашэўская не выключае, што ў пранікненні ў кватэру замяшаныя беларускія спецслужбы.
У Варшаве разгромлена і абкрадзена кватэра дырэктара тэлеканала «Белсат» Агнешкі Рамашэўскай.
«Пазаўчора [14 чэрвеня] Агнешка з мужам вярнулася з водпуску і засталі ў кватэры разгром, — паведаміў БелаПАН кіраўнік службы інфармацыі «Белсата» Аляксей Дзікавіцкі.
— Усё было перакулена: паліцы, шафы. Ва унітазе ляжалі нейкія дакументы. У кватэры нельга было нават пераначаваць».
Паводле слоў А.Дзікавіцкага, замок быў ускрыты адмычкай, у кватэры адсутнічаюць адбіткі пальцаў, з каштоўных рэчаў зніклі толькі тры залатыя ланцужкі і некалькі сярэбраных пярсцёнкаў. «Апрача таго, майка, якая вісела ў шафе з надпісам на англійскай мове аб небяспецы журналісцкай прафесіі, была раскладзена на крэсле. Усё гэта дае падставы сцвярджаць, што ў кватэры пабывалі не зусім звычайныя злодзеі. Паліцэйскія заявілі, што працавалі прафесіяналы», — сказаў супрацоўнік «Белсата».
Сама А.Рамашэўская не выключае, што ў пранікненні ў кватэру замяшаныя беларускія спецслужбы.
«Гэта вельмі непрыемнае пачуццё, нібыта табе кажуць: «Бачым цябе, сочым за табою, можам увайсці ў тваю кватэру». Магчыма, разлічвалі на эфект запалохвання, бо няма доказаў, што гэта было проста ўварванне з крадзяжом», — цытуе дырэктара «Белсата» сайт канала.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары