Rasija praciahnie pradastaŭlać kredyty inšym dziaržavam, heta nieadjemnaja častka dvuchbakovaha supracoŭnictva. Pra heta zajaviŭ u sieradu žurnalistam pres-sakratar prezidenta Rasii Dźmitryj Piaskoŭ, adkazvajučy na pytańnie ab mahčymaści pierahladu palityki kredytavańnia inšych dziaržaŭ, u tym liku Biełarusi, u suviazi z pandemijaj i biahučaj ekanamičnaj situacyjaj, piša TASS.
Čytajcie taksama: Biełaruś pavinna Rasii 9,1 miljarda dalaraŭ
«U ramkach dvuchbakovych adnosin z mnohimi dziaržavami Rasija daje kredyty. Heta zvyčajnaja suśvietnaja praktyka, jana źjaŭlajecca nieadjemnaj častkaj ciesnaha handlova-ekanamičnaha i inviestycyjnaha supracoŭnictva», — skazaŭ jon.
U toj ža čas pradstaŭnik Kramla nahadaŭ, što isnujuć «peŭnyja praviły pa absłuhoŭvańni doŭhu», jakija rehulujuć praciah kredytavańnia ŭ adpaviednaści z uzroŭniem zakredytavanaści toj ci inšaj krainy. «Praktyka budzie praciahvacca, heta nieadjemnaja častka supracoŭnictva i ŭzajemadziejańnia», — reziumavaŭ Piaskoŭ.
Vylecieła ŭ nieviadomym kirunku śpikierka KR Anžalika Mielnikava30
Kamientary