Aporny bank Jeŭrasajuza admoviŭsia vydzialać hrošy na rekanstrukcyju trasy ad Minska da Litvy
Jeŭrapiejski inviestycyjny bank (JEIB) prypyniŭ finansavańnie rekanstrukcyi trasy M7/Je28 Minsk — Ašmiany — miaža Litvy. Pra heta paviedamiŭ staršynia Hrodzienskaha abłvykankama Uładzimir Karanik, piša Tut.by.
U adpaviednaści ź Dziaržaŭnaj inviestycyjnaj prahramaj na 2021 hod na rekanstrukcyju aŭtamabilnaj darohi M7/Je28 Minsk — Ašmiany — miaža Litvy praduhledžana vyłučeńnie biełaruskim składnikam u ramkach prajekta «transpartnaja supolnaść». Nazvanyja srodki buduć nakiravanyja na padrychtoŭčyja raboty pa rekanstrukcyi abjekta. Finansavańnie za košt srodkaŭ Jeŭrapiejskaha inviestycyjnaha banka pa hetym prajekcie prypyniena. U ciapierašni čas uradam adšukvajucca dadatkovyja krynicy finansavańnia, — skazaŭ Karanik.
Madernizacyju trasy M7, jakaja złučaje Minsk i miažu ź Litvoj, płanavałasia pačać u 2020 hodzie. Praciahłaść ŭčastka — 106 km. Ahulny abjom finansavańnia prajekta — 110 młn jeŭra, ź jakich 20,5 młn jeŭra — na rekanstrukcyju punkta propusku «Kamienny Łoh». Jeŭrapiejski inviestycyjny bank vydzieliŭ na hetyja mety kredyt u pamiery zvyš 100 młn jeŭra terminam na 29 hadoŭ, kazali ŭ Mintransie. Paśla ŭviadzieńnia ŭ 2020 hodzie zachodnich sankcyj u dačynieńni da Biełarusi aporny bank Jeŭrasajuza prypyniŭ supracoŭnictva z aficyjnym Minskam.
U apošni raz kapitalny ramont darohi M7 rabili bolš za 20 hadoŭ tamu, paśla hetaha jaje stan padtrymlivali biahučym ramontam. Madernizacyja pryznačałasia dla pavyšeńnia pryvabnaści trasy jak dla pasažyrskich, tak i hruzavych pieravozak.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr3
Kamientary