Апорны банк Еўрасаюза адмовіўся выдзяляць грошы на рэканструкцыю трасы ад Мінска да Літвы
Еўрапейскі інвестыцыйны банк (ЕІБ) прыпыніў фінансаванне рэканструкцыі трасы М7/Е28 Мінск — Ашмяны — мяжа Літвы. Пра гэта паведаміў старшыня Гродзенскага аблвыканкама Уладзімір Каранік, піша Tut.by.
У адпаведнасці з Дзяржаўнай інвестыцыйнай праграмай на 2021 год на рэканструкцыю аўтамабільнай дарогі М7/Е28 Мінск — Ашмяны — мяжа Літвы прадугледжана вылучэнне беларускім складнікам у рамках праекта «транспартная супольнасць». Названыя сродкі будуць накіраваныя на падрыхтоўчыя работы па рэканструкцыі аб'екта. Фінансаванне за кошт сродкаў Еўрапейскага інвестыцыйнага банка па гэтым праекце прыпынена. У цяперашні час урадам адшукваюцца дадатковыя крыніцы фінансавання, — сказаў Каранік.
Мадэрнізацыю трасы М7, якая злучае Мінск і мяжу з Літвой, планавалася пачаць у 2020 годзе. Працягласць ўчастка — 106 км. Агульны аб'ём фінансавання праекта — 110 млн еўра, з якіх 20,5 млн еўра — на рэканструкцыю пункта пропуску «Каменны Лог». Еўрапейскі інвестыцыйны банк выдзеліў на гэтыя мэты крэдыт у памеры звыш 100 млн еўра тэрмінам на 29 гадоў, казалі ў Мінтрансе. Пасля ўвядзення ў 2020 годзе заходніх санкцый у дачыненні да Беларусі апорны банк Еўрасаюза прыпыніў супрацоўніцтва з афіцыйным Мінскам.
У апошні раз капітальны рамонт дарогі M7 рабілі больш за 20 гадоў таму, пасля гэтага яе стан падтрымлівалі бягучым рамонтам. Мадэрнізацыя прызначалася для павышэння прывабнасці трасы як для пасажырскіх, так і грузавых перавозак.
Цяпер чытаюць
«Я ехала ад вайны і бамбёжак»: Яўгенія Чарняўская пра пераезд на Кіпр5
Каментары