Novy amierykanski pasoł u Biełarusi Džuli Fišer pakul praciahvaje pracavać u centralnym aparacie Dziarždepartamienta ŭ Vašynhtonie. Pra heta paviedamiŭ na bryfinhu dla žurnalistaŭ kiraŭnik pres-słužby Dziarždepartamienta ZŠA Ned Prajs, piša TASS.
«Jana nie ŭ Minsku. Jana ŭ ciapierašni momant znachodzicca tut», — skazaŭ Prajs pra Fišer. Dypłamat nie ŭdakładniŭ, kali mienavita pasoł ZŠA moža adbyć u Minsk.
«Jana [Fišer] praciahvaje być našym pasłom u Biełarusi», — padkreśliŭ aficyjny pradstaŭnik zamiežnapalityčnaha viedamstva ZŠA. «Jana jeździła ŭ rehijon, naviedała Jeŭropu, nakolki ja pamiataju, tolki na minułym tydni, sustrakajučysia ź niekatorymi našymi sajuźnikami i partniorami, kab <…> kaardynavać našy kalektyŭnyja namahańni ŭ padtrymku naroda Biełarusi», —adznačyŭ Prajs.
Paśla dypłamatyčnaha skandału ŭ 2008 hodzie Minsk i Vašynhton na ŭzajemnaj asnovie adklikali pasłoŭ i da minimumu skaracili kolkasny skład dyppradstaŭnictvaŭ. Adnosiny pačali ciapleć u 2015-m. U 2019 hodzie baki zajavili ab mahčymaści viartańnia pasłoŭ. Adnak praces spyniŭsia paśla žorstkaha padaŭleńnia vuličnych akcyj i aryštaŭ paśla vybaraŭ 2020 hoda.
26 sakavika namieśnik pamočnika dziaržsakratara ZŠA pa pytańniach demakratyi, pravoŭ čałavieka i pracoŭnych adnosinaŭ Kara Makdonałd zajaviła, što Fišer pakul nie prybyła ŭ Minsk, pakolki čakaje atrymańnia vizy dla ŭjezdu ŭ Biełaruś.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam9
Kamientary