Новы амерыканскі пасол у Беларусі Джулі Фішэр пакуль працягвае працаваць у цэнтральным апараце Дзярждэпартамента ў Вашынгтоне. Пра гэта паведаміў на брыфінгу для журналістаў кіраўнік прэс-службы Дзярждэпартамента ЗША Нэд Прайс, піша ТАСС.
«Яна не ў Мінску. Яна ў цяперашні момант знаходзіцца тут», — сказаў Прайс пра Фішэр. Дыпламат не ўдакладніў, калі менавіта пасол ЗША можа адбыць у Мінск.
«Яна [Фішэр] працягвае быць нашым паслом у Беларусі», — падкрэсліў афіцыйны прадстаўнік замежнапалітычнага ведамства ЗША. «Яна ездзіла ў рэгіён, наведала Еўропу, наколькі я памятаю, толькі на мінулым тыдні, сустракаючыся з некаторымі нашымі саюзнікамі і партнёрамі, каб <…> каардынаваць нашы калектыўныя намаганні ў падтрымку народа Беларусі», —адзначыў Прайс.
Пасля дыпламатычнага скандалу ў 2008 годзе Мінск і Вашынгтон на ўзаемнай аснове адклікалі паслоў і да мінімуму скарацілі колькасны склад дыппрадстаўніцтваў. Адносіны пачалі цяплець у 2015-м. У 2019 годзе бакі заявілі аб магчымасці вяртання паслоў. Аднак працэс спыніўся пасля жорсткага падаўлення вулічных акцый і арыштаў пасля выбараў 2020 года.
26 сакавіка намеснік памочніка дзяржсакратара ЗША па пытаннях дэмакратыі, правоў чалавека і працоўных адносінаў Кара Макдоналд заявіла, што Фішэр пакуль не прыбыла ў Мінск, паколькі чакае атрымання візы для ўезду ў Беларусь.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары