Usiaho patrochu

Kryzis pryvioŭ ludziej u sekand-chendy

Kali dva dziesiacihodździ tamu ŭ Biełarusi źjavilisia sekand‑chendy — kramy panošanaj adziežy, — nichto nie dumaŭ, što z časam jany mohuć stać surjoznaj alternatyvaj ajčynnym kramam i haradskim rynkam.

Kali amal dva dziesiacihodździ tamu ŭ Biełarusi źjavilisia sekand‑chendy — kramy panošanaj adziežy, — nichto nie dumaŭ, što z časam jany mohuć stać surjoznaj alternatyvaj ajčynnym kramam i haradskim rynkam.

Vidać, taki čas pryjšoŭ razam z kryzisam, bo navidavoku čerhi na prystupkach u dzień pryvozu, jaki mnohija haradžanie pamiatajuć, jak dzień atrymańnia zarpłaty. I ŭžo niama havorki pra prestyž, bo usie viedajuć: Madonna, Džoni Dep, Viačasłaŭ Zajcaŭ, Bred Pit i inšyja pradstaŭniki zornaha šerahu rehularna naviedvajuć kramy z panošanaj vopratkaj.

Pakupnikoŭ u sekand‑chendach značna paboleła za apošni hod. Vidavočna, što finansavy kryzis staŭsia tamu pryčynaj. Kali patrapić u chvalu, možna i ŭ hetaj situacyi znajści stanoŭčy bok. Jak, naprykład, zrabiła Lilija— indyvidualny pradprymalnik sa Smarhoni, jakaja zajmajecca sekand‑chendam usiaho miesiac. 11 traŭnia stała dniom naradžeńnia siamiejnaha pradpryjemstva. Uzhadaŭšy staradaŭnija tradycyi, pamiaškańnie ablubavała miascovaja kotka, jakaja časam zastajecca za načnoha vartaŭnika, kab da ranicy «namyć» haściej.

‑ Było strašnavata pačynać spravu ŭ taki nialohki ekanamičny pieryjad, ale my ŭsio ž rašylisia, — raspaviadaje Lilija.

Uvohule, było dva vierahodnych napramki biznesu — bytavaja chimija i sekand‑chend. Dva miesiacy dumali i schililisia da apošniaha. Kryzis staŭsia hałoŭnaj pryčynaj našaha vybaru. Mnohija nie ŭ stanie dazvolić sabie novyja rečy, a raźvitacca z sumaj u 20 tysiač rubloŭ znojdziecca bolš achvotnikaŭ, čym z sumaj u 100 tysiač.

My arandavali pamiaškańnie. Ja liču, što miesca dla kramy vielmi ŭdałaje — siamiejny internat. Heta vielmi sadziejničaje rekłamie. Na pačatku ž dla pryciahnieńnia pakupnikoŭ my zrabili nievialikija źnižki — 20%. Takim čynam, na kolkaść klijentaŭ nie skardzimsia i dumajem nad treciaj raspranalniej ŭ zali, bo dźviuch užo nie chapaje.

Iryna zajmajecca sekand‑chendam niekalki hod i adznačaje, što apošnim časam dachody kramy pavialičvajucca:

‑ Tolki nielha skazać, što heta stanoŭčaja źjava.

Nie ad dobraha žyćcia ludzi pajšli ŭ sekandy. Chutčej, jany stali bolš pilna ličyć hrošy. Takoha niama, kab prychodzili i chapali ŭsio biez rozdumu — iduć za kankretnymi rečami.
Kožnaja kapiejka ličycca, narod biadnieje. Asabliva heta adčuvajecca padčas vialikich śviataŭ. Ciapier, naprykład, vypusknyja — jany bjuć pa kišeni, i my heta adčuvajem, bo handal spadaje. Kab stary tavar sastupiŭ miesca novamu, my pravodzim akcyi. Vyhodniej ucanić reč, čym trymać jaje niekalki miesiacaŭ pa vysokim košcie.

Ciapier navat sekand‑chend mnohim padajecca darahim. Vopratka nasamreč padaražeła, bo iznoŭ padniałasia «rastamožka». Kali raniej koftačka kaštavała 8 tysiač rubloŭ, to z Novaha hoda nam daviałosia dva razy pavyšać košty, i ciapier jana kaštuje 12. A ludzi ŭsio bolš imknucca ekanomić. Časam da nas prychodziać za viačernimi strojami. Učora, naprykład, žančyna vybirała sabie sukienku na viasielle syna.

U sekand‑chendach apranajucca ludzi roznych statusaŭ, — praciahvaje Iryna.

Paśpiachovy biznesoviec parkuje pobač z kramaj džyp za 50 tysiač dalaraŭ i nie ličyć za soram zajści i kupić tut šorty, kab zručna było jeździć.
Hrošy bierahuć i bahatyja ludzi, tym bolš, jakaść tavaraŭ, jakija pradajucca na rynku ci ŭ kramach nie adpaviadaje koštu. Vielmi vialikija nacenki na pryvaznyja rečy.

Pracavać z vopratkaj sekand‑chend — heta karpatlivaja ciažkaja praca. Ale mnie padabajecca dapamahać ludziam dobra vyhladać. Ja nie mahu skazać, što čałavieku pasuje reč tolki dziela taho, kab pradać jaje. Lublu nazirać za tym, nakolki ludzi stali lepš apranacca, i mnie pryjemna adčuvać u hetym svoj uniosak.

Uładzimir, pradaviec u adnoj ź minskich kramaŭ sekand‑chend, zaznačaje, što pakupnikoŭ stała bolš:

‑ Zastalisia i staryja klijenty, jakija z dnia adkryćcia prychodziać štotydzień, ale źjavilisia i takija, jakija da kryzisu nie mieli patreby na da nas naviedvacca. Adnak heta nie značyć, što pakupalnickaja zdolnaść pavialičyłasia. Ludzi prosiać uziać reč u doŭh da zarpłaty, adviesić da lepšaha času, i my, u miežach dazvolenaha, idziem na sastupki.

Šmat kramaŭ sekand‑chend nie zdoleli vyžyć u ciažkija pieryjady. U nas atrymałasia — napeŭna, dziakujučy ŭmieńniu «trymać marku». My imkniemsia razburyć imidž sekand‑chenda jak kramy znošanaj adziežy dla pracy na dačy. Tut pradajecca jakasny tavar, vialikaja častka jakoha absalutna novaja, usio akuratna vyprasavana i raźviešana. Jość šmat sekandaŭ na kvaterach i haražach — jany pryvablivajuć niečym inšym. My — akuratnaściu.

I jašče chaču abvierhnuć mif, što sekand‑chend — krama dla biednych. Za niekalki hod pracy ja nie sustrakaŭ u kramie takich ludziej. U asnoŭnym zachodziać ludzi ź niadrennym dastatkam. Jość navat i «vip‑klijenty» — z vysokimi pasadami i darahimi mašynami.

Usio, što na dadzieny momant na mnie apranuta — sekand‑chend, uklučajučy abutak. I mnie heta padabajecca, bo ja adčuvaju jakaść, jakoj niama ŭ šmatlikich staličnych handlovych centrach.

Maja znajomaja, jakaja pradaje stokavyja tavary ŭ viadomym minskim handlovym centry, pieryjadyčna zachodzić u našu kramu i kožny raz dzivicca: brendy tyja ž, a košty ŭ piać razoŭ nižej.

***

Alena - studentka, adzin‑dva razy na miesiac pryjazdžaje da baćkoŭ u Smarhoń i abaviazkova robić rejd pa miascovych «sekandach»:

‑ Amal usia maja vopratka — z kramaŭ panošanaj adziežy. Ja nie maju zababonaŭ nakont čužoha‑niečužoha. Prahladajučy vopratku nie tłumlusia, chto jaje nasiŭ i čamu pazbaviŭsia. Kali reč pasuje, jana stanovicca majoj i hetaha dastatkova. Časam u kišeniach rečaŭ traplajucca pryvitańni ad byłych haspadaroŭ‑ ček, natatka albo jeŭracent. Mianie radujuć takija drobiazi — heta jak piražok ź siurpryzam.

Ja nie ŭsim kažu, dzie apranajusia. Časam chočacca stvaryć bolš reśpiektabielny vobraz. Niadaŭna nabyła kamizelku Tally Weijl. I jakraz praz paru dzion u Miensku adkryłasia firmovaja krama hetaha brenda. Znajomyja ŭpeŭnienyja, što kamizelka adtul. Ja ž ničoha nie abviarhaju — chaj dumajuć, što jana kaštuje 100 tysiač, a nie 12.

Nie skažu, što z‑za kryzisu ja stała bolš chadzić ŭ sekandy, tamu što amal całkam tut apranałasia i raniej. Adzinaje što, na hłupstvy hrošaj užo nie vydatkoŭvaju. Kali raniej ja mahła kupić reč prosta jak tvor mastactva, to ciapier nabyvaju vyklučna dla našeńnia.

Kaniešnie ž, čas ad času ja zachodžu i ŭ zvyčajnyja kramy. U asnoŭnym, nabyvaju tam abutak, jaki ŭ sekand‑chendzie nie zaŭsiody znojdzieš. Niadaŭna voś, zachodziła ŭ HUM. Na dziva, znajšła tam spadnicu za 1800 rubloŭ. Chutčej za ŭsio — heta z tych rečaŭ, što zalažalisia na składach. Ja čuła, što padčas kryzisu biełaruskija pradpryjemstvy zasvoili sistemu źnižak, kab tavar nie založvaŭsia.

Košt, kaniešnie, pryvabny, ale fason — «Byvaj maładość!» Kaniešnie ž, ja iznoŭ pašła ŭ sekand, dzie za 2000 nabyła cudoŭnuju majku na šlejkach.

Ivan — małady śpiecyjalist, vykładaje historyju ŭ škole:

‑ Ščyra kažučy, ja raniej saromieŭsia zachodzić u kramy takoha kštałtu. Vychavańnie, peŭna, adyhrała svaju rolu: ja ros u siamji nastaŭnikaŭ, vopratka zaŭsiody była akuratnaja i jakasnaja. Nie skažu, kab ciapier situacyja kardynalna źmianiłasia, ale z nadychodam kryzisu ŭ žonki ŭsio ž atrymałasia davieści mnie, što akuratnyja rečy možna nabyć i ŭ sekand‑chendach. Sama jana rehularna kuplaje tam takija‑siakija drobiazi. Nie ŭsio, ale značnuju častku. I potym kambinuje z novymi rečami tak, što nichto i nie zdahadajecca ab krynicy ich pachodžańnia.

Sam ja prychilnik kłasičnaha stył. Niekalki miesiacaŭ tamu žonka adviała mianie ŭ sekand‑chend. Nahodaj staŭ niedachop kašul — na toj čas ich ŭ mianie było try. Ciapier — vosiem. Kožnaja ź ich kaštuje nie bolš za 15 tysiač rubloŭ, a jakaść vyšejšaja. Jość navat adna ad Ṕjera Kardena. Ja nie kidajusia za koštami, pilna pryhladajusia da rečy, kali siadzić idealna — nabyvaju. Napeŭna, takich «kłasikaŭ», jak ja, niašmat siarod pravincyjnych mužčynaŭ, tamu kankurencyi tut nie adčuvaju. U pieršuju čarhu spustašajucca viešałki z modnymi moładzievymi rečami, a ja na ich nie hladžu. Sekand‑chendy, kaniešnie, dobraje vyjście padčas kryzisu, ale, kali naš siamiejny biudžet budzie dazvalać, ja znoŭ budu nabyvać adzieńnie ŭ zvyčajnych kramach.

Adnak, nielha skazać, što z zaviaršeńniem kryzisu adbudziecca adtok pakupnikoŭ ad kramaŭ sekand‑chend. Ekskluziŭnaść i tannaść, pakul isnujuć miežy i vizavyja zbory ŭ 60 jeŭra, možna znajści tolki praz «druhija ruki».

Pad čas padrychtoŭki materyjału na mnie byli apranutyja rečy, nabytyja ŭ kramach sekand‑chend: džynsy «Sakura» (novyja, 30 tysiač rubloŭ), majka «Fishbone» (6 tysiač rubloŭ), viatroŭka «Next» (20 tysiač rubloŭ), kiedy «Graceland» (novyja, 20 tysiač rubloŭ).

Rehijanalnaja hazieta

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Usie naviny →
Usie naviny

USU spynili nastup rasijskich vojsk u Sumskaj vobłaści3

Schavanaja jadziernaja krepaść Irana, da jakoj nie dalaciać bomby ZŠA5

Kala adnoj sa stancyj mietro vystraiłasia vialikaja čarha3

Što pabudujuć na miescy zavoda «Ahat» u Minsku1

Čamu ŭ biełaruskaj turmie tak mocna chudziejuć? Tłumačym19

Zatrymanyja dźvie hrupy «tajnych pakupnikoŭ», jakija kašmaryli kramy i AZS9

Čamu spartsmieny pjuć sok z salonych ahurkoŭ?2

Pamierła 47-hadovaja madel Alena Zapiekina

U Rasii fatohrafa asudzili da 16 hadoŭ za pieradaču amierykancu lehalnaj knihi pra savieckija bunkiery

bolš čytanych navin
bolš łajkanych navin

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić