Alaksandr Łukašenka sabraŭ naradu pa pytańniach dziejnaści ŭ krainie palityčnych partyj. U liku ŭdzielnikaŭ mierapryjemstva — kiraŭniki pałat parłamienta, Administracyi prezidenta, dziaržsakratar Rady Biaśpieki, ministr justycyi, piša BiełTA.
Alaksandr Łukašenka nahadaŭ, što na VI Usiebiełaruskim narodnym schodzie było vyrašana ŭ bližejšy čas pryniać źmieny ŭ zakon «Ab palityčnych partyjach» — pravavuju asnovu, jakuju dziaržava zakładvaje ŭ pracesy partyjnaha budaŭnictva.
«Ja, jak i bolšaść tut prysutnych, naležu da pakaleńnia, vychavanaha Kamunistyčnaj partyjaj Savieckaha Sajuza, jakaja tady była stryžniem našaha hramadstva. Tamu razvał SSSR i zabarona kampartyi ŭ byłych sajuznych respublikach byli ŭspryniatyja mnohimi jak zdrada, — skazaŭ Alaksandr Łukašenka. — Maja pazicyja ŭ pytańniach partyjnaha budaŭnictva zastałasia niaźmiennaj: nie farsiravać štučna, ale i nie tarmazić hramadska-palityčnyja pracesy».
Ciapier čytajuć
Kab nie płacić padatak na sabak, minčuki pačali zdavać ich u punkty adłovu31
Kamientary