«Santa Bremar» choča adsudzić pravy na brend u viadomaha rasijskaha vytvorcy, jakoha pryznali ekstremisckim za padtrymku USU
Viadomaja biełaruskaja kampanija «Santa Bremar» maje namier pazbavić rasijskaje pradpryjemstva «KDV Jaškina» pravoŭ na tavarny znak «Top-top». Letaś za padtrymku USU ŭładalnika rasijskich brendaŭ «Kiryješki» i «Jaškina» pryznali ekstremistam i kanfiskavali ŭsie aktyvy.
Kampanija «Santa-Bremar» maje namier adsudzić u rasijskaj «KDV Jaškina» pravy na tavarny znak «Top-top». Adpaviedny pazoŭ pryniaŭ da razhladu Sud pa intelektualnych pravach u Maskvie, a papiaredniaje pasiadžeńnie pryznačana na 6 lipienia, piša «Sputnik».
Biełaruski bok abhruntoŭvaje svaje pretenzii tym, što hety brend daŭno nie vykarystoŭvajecca rasijskim uładalnikam.
U Rasii tavarny znak «Top-top» byŭ zarehistravany dla šyrokaj liniejki kandytarskich vyrabaŭ — ad vaflaŭ da šakaładu. Pravy na jaho pakul zastajucca ŭ hrupy KDV, kudy i ŭvachodzić «KDV Jaškina».
U 2025 hodzie Ćviarski sud Maskvy pryznaŭ asnoŭnaha ŭładalnika kampanii miljardera Dzianisa Štenhiełava i jaho baćku Mikałaja «ekstremisckim abjadnańniem» za finansavańnie ŭkrainskaha vojska, paśla čaho ich majomaść była kanfiskavanyja ŭ dachod dziaržavy.
Pavodle viersii śledstva, Štenhiełaŭ-starejšy spansavaŭ USU, a syn padtrymlivaŭ jaho dziejańni. Abodva mužčyny pražyvajuć za miažoj užo bolš za dziesiać hadoŭ.
Kampanija «Santa Bremar», jakaja naležyć bresckamu biznesmienu Alaksandru Mašenskamu, aktyŭna raźvivaje ŭłasnuju charčovuju vytvorčaść, u tym liku papularnuju sieryju marožanaha pad markaj «Top». Paśpiachovaje zaviaršeńnie sudovaha pracesu dazvolić biełaruskamu vytvorcu pašyryć pravy na suhučny brend na rasijskim rynku.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB52
Kamientary