Z akna budynka palikliniki Vilejskaj rajonnaj balnicy 3 maja vypała i raźbiłasia naśmierć žančyna.
Trahiedyja adbyłasia 3 maja kala 11 ranicy. Zahinułaja — 1976 hoda naradžeńnia, piša Młyn.by.
Pavodle papiaredniaj viersii, žančyna vypała z akna adnaho ź vierchnich pavierchaŭ. Zaraz vyśviatlajecca, jakoha mienavita, ale, pa śviedčańniach niekatorych vidavočcaŭ, z apošniaha. Paliklinika piacipaviarchovaja.
Jak paviedamiła krynica, pavodle papiaredniaj infarmacyi, žančyna pakutavała psichičnym razładam. Kabiniet psichijatra ŭ paliklinicy znachodzicca na trecim paviersie.
Fakt zdareńnia paćviardžaje administracyja balnicy. Pravierku pa fakcie hibieli pravodzić Vilejski rajonny adździeł Śledčaha kamiteta.
Kamientary