Kaśmičnaja kampanija Džefa Biezasa razyhraje kvitok u kosmas na anłajn-aŭkcyjonie
Kampanija Blue Origin, jakaja naležyć miljarderu i zasnavalniku Amazon Džefu Biezasu, 20 lipienia płanuje subarbitalnuju ahladnuju pajezdku na kaśmičnym karabli New Shepard.
Heta stanie krokam da epochi pryvatnych kamiercyjnych kaśmičnych padarožžaŭ, piša Reuters.
Pradstaŭniki kampanii zajavili, što prapanujuć adno z šaści miescaŭ na pieršym rejsie pieramožcu anłajn-aŭkcyjona, dachod ad jakoha pojdzie ŭ fond Blue Origin.
Aŭkcyjon budzie doŭžycca piać tydniaŭ i projdzie ŭ try etapy. U pieršym tury, z 5 da 19 maja, na sajcie kampanii možna pakinuć zajaŭku na lubuju sumu, jakuju nie buduć bačyć inšyja ŭdzielniki.
U druhim tury, jaki pačniecca z 19 maja, udzielniki tarhoŭ zmohuć ubačyć usie zajaŭki, i jany musiać pavyšać staŭki, kab praciahnuć udzieł. 12 červienia tarhi skončacca anłajn-aŭkcyjonam.
Padčas palotu kaśmičnyja turysty padymucca na vyšyniu 100 kiłamietraŭ nad Ziamloj. Udzielniki palotu zmohuć ubačyć kryviznu płaniety i adčuć biazvažkaść na praciahu niekalkich chvilin.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary