Doktara Andreja Lubieckaha pakinuli pad vartaj — u jaho bolš surjoznaja kryminalnaja sprava
Skivičny chirurh Andrej Lubiecki nie vyjšaŭ na svabodu paśla troch sutak źniavoleńnia. Pra heta «Našaj Nivie» paviedamili svajaki doktara.
Pa jakim artykule jaho zatrymali, nieviadoma. Advakat znachodzicca pad padpiskaj ab nierazhałošvańni.
Padčas zatrymańnia Lubiecki paviedamiŭ žoncy, što jaho padazrajuć u abrazie.
Kali b havorka išła pra artykuł 369 KK «Abraza pradstaŭnika ŭłady», Lubieckaha nie mahli b trymać za kratami bolš za troje sutak.
Nieadnaznačnaja situacyja i z mahčymym artykułam 368 KK «Abraza prezidenta Biełarusi». Kali b doktaru inkryminavałasia pieršaja častka hetaha artykuła, prosta publičnaja abraza, to znoŭ-taki jamu pahražała b maksimum troje sutak na Akreścina.
Ale, mahčyma, havorka idzie pra druhuju častku taho ž artykuła — a heta abraza prezidenta, spałučanaje z abvinavačvańniem jaho ŭ ździajśnieńni ciažkaha złačynstva. U takim razie maksimalnaje pakarańnie — 3 hady kałonii. A značyć, abvinavačanaha mohuć trymać u SIZA da suda.
Nahadajem, Andreja Lubieckaha zatrymali rankam 4 maja ŭ kvatery. Jaho žonka Natalla z čatyrma dziećmi raniej źjechała za miažu.
Čytajcie taksama:
Skivičny chirurh Andrej Lubiecki vałancioryŭ pad Akreścina, a jaho žonka Natalla trapiła ŭ «špijonski» film ANT — vialikaja hutarka
Zatrymali viadomaha skivičnaha chirurha Andreja Lubieckaha
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary