Jon peŭny, što ŭsie pieraličanyja čynoŭniki majuć rylca ŭ pušku.
Jon peŭny, što ŭsie pieraličanyja čynoŭniki majuć rylca ŭ pušku.
23 červienia «Komsomolskaja pravda v Biełarusi» nadrukavała artykuł «Spravazdača hienprakurora pra karupcyju była z pamyłkami?».
Žurnalisty vydańnia źviazalisia z šeraham čynoŭnikaŭ, čyje proźviščy prahučali na naradzie pa baraćbie sa złačynnaściu i karupcyjaj 19 červienia. Tak, načalnik upraŭleńnia kryminalnaha vyšuku MUS Anatol Savicki nibyta ad žurnalistaŭ upieršyniu pačuŭ pra abvinavačańni prakuratury. Padobnaja reakcyja była i ŭ supracoŭnika DAI Frunzienskaha RUUS Minsku Andreja Dyleŭskaha. U ministerstvie ekanomiki zajavili, što ŭ ich nikoli nie pracavała namieśnica ministra z proźviščam Filimonava. Takoje proźvišča adšukali ŭ Ministerstvie enierhietyki, dzie namieśnikam ministra pracuje Ryma Filimonava. Ździviŭsia i staršynia kamitetu pa architektury i budaŭnictvie Minskaha abłvykankama Siarhiej Mołčan. A hiendyrektar upraŭleńnia žyllova-kamunalnaj haspadarki Minabłvykankama Mikałaj Hałavacki, jaki taksama fihuravaŭ u spravazdačy Ryhora Vasileviča, jak vyśvietliłasia, pamior hod tamu.
Na pres-kanfierencyi, pryśviečanaj Dniu supracoŭnika prakuratury, hienprakuror krainy Ryhor Vasilevič prakamientavaŭ artykuł u «KP».
Pa jaho słovach, A. Savicki nie mieŭ patreby ŭ palapšeńni žyllovych umovaŭ, u toj čas jak pa miescy vydzialeńnia jamu ziamielnaha ŭčastka takija hramadzianie byli. Učastak na imia A. Dyleŭskaha byŭ aformleny z parušeńniem zakanadaŭstva — adsutničaŭ hienpłan, i ŭ hetym bačycca niedahlad najpierš miascovych uładaŭ, jakija dapuścili takoje parušeńnie. Hienprakuror paviedamiŭ, što błytanina z namieśnicami ministraŭ ekanomiki i enierhietyki sapraŭdy była, havorka nasamreč viałasia pra Rymu Filimonavu, namieśnicu ministra enierhietyki. U vypadku ź Siarhiejem Mołčanam adsutničaŭ prajekt advodu ziamli, bieź jakoha, padkreśliŭ R. Vasilevič, takaja apieracyja ličycca niezakonnaj. Toje samaje było i ŭ vypadku z pamierłym M. Hałavackim — učastak na jaho imia byŭ vydzieleny z parušeńniem zakanadaŭstva jašče ŭ 2006 hodzie.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary