Kolkaść vypadkaŭ zaražeńnia karanavirusam u śviecie za tydzień źniziłasia na 12%, śmiarotnaść — na 5%
«U hłabalnym płanie za minuły tydzień kolkaść novych vypadkaŭ COVID-19 i śmierciaŭ praciahnuła źnižacca: usiaho było zarehistravana bolš za 4,8 młn tych, chto zaraziŭsia, i krychu mienš za 86 tys. pamierłych, što adpaviedna na 12% i na 5% mienš u paraŭnańni z papiaredniaj tydniem», — adznačyła Suśvietnaja Arhanizacyja Achovy zdaroŭja (SAAZ) u svaim štotydniovym epidemijałahičnym biuleteni.
Z 10 pa 16 maja ŭ śviecie było zarehistravana 4 809 520 tych, chto zaraziŭsia, i 85 975 śmiarotnych zychodaŭ. Pa stanie na 16 maja ŭsiaho naličvałasia 162 184 263 vypadki infikavańnia i 3 364 446 vypadkaŭ śmierci pacyjentaŭ.
Zachvorvańnie vyrasła na minułym tydni tolki ŭ Zachodnie-Cichaakijanskim rehijonie (na 4%), tady jak u Jeŭropie kolkaść novych vypadkaŭ infikavańnia źniziłasia na 26%, va Uschodnim Mižziemnamorji — na 22%, Paŭdniova-Uschodniaj Azii (na 12%), Afrycy — na 4%, Paŭnočnaj i Paŭdniovaj Amierycy — na 3%. Śmiarotnaść vyrasła ŭ Paŭdniova-Uschodniaj Azii (na 7%) i Zachodnie-Cichaakijanskim rehijonie (na 4%), ale skaraciłasia ŭ Jeŭropie (na 16%), Uschodnim Mižziemnamorji (na 16%), Afrycy (na 9%), a taksama ŭ Paŭnočnaj i Paŭdniovaj Amierycy (na 7%).
U Indyi kolkaść infikavanych pavialičyłasia za tydzień bolš čym na 2,3 młn. Dalej iduć Brazilija (bolš za 437 tys. novych vypadkaŭ), ZŠA (bolš za 235 tys.), Arhiencina (bolš za 151 tys.), Kałumbija (bolš za 115 tys.), Iran (bolš za 99 tys.), Francyja (bolš za 93 tys.), Turcyja (bolš za 90 tys.), Hiermanija (bolš za 73 tys.), Niepał (bolš za 61 tys.), Rasija (bolš za 59 tys.) i Italija (bolš za 50 tys.).
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak1
Kamientary