25-hadovaha Cichana Osipava za najezd na aŭtamabili na amapaŭcaŭ asudzili na 11 hadoŭ
Siońnia Minharsud vynies prysud 25-hadovamu Cichanu Osipavu za najezd na piać vajskoŭcaŭ padčas pratestaŭ u minułym žniŭni, udzieł u masavych biesparadkach, a taksama za łžyvy danos: paśla DTZ chłopiec zajechaŭ na mašynie ŭ vadajom, pakinuŭ jaje tam i zajaviŭ ab zhonie. Cichana abvinavacili pa troch artykułach č. 2 art. 293, č. 1 art. 400, č. 1 art. 14 i art. 362. Jon pryznaŭ vinu tolki pa art. 400 Kryminalnaha kodeksa, pa inšych artykułach — nie pryznaŭ. Sudovaja kalehija pad staršynstvam Piatra Arłova asudziła Osipava da 11 hadoŭ kałonii va ŭmovach uzmocnienaha režymu. Prakuror Anton Ciumiencaŭ prasiŭ dać 12 hadoŭ kałonii, paviedamlaje spring96.org.
Zhodna ź viersijaj abvinavačvańnia, «paddaŭšysia na zakliki destruktyŭnych telehram-kanałaŭ, kala hadziny nočy 11 žniŭnia 25-hadovy minčuk pryjechaŭ na vulicu Prytyckaha ŭ Minsku dla ŭdziełu ŭ masavych biesparadkach».
«Małady čałaviek znachodziŭsia za rulom svajho BMW, ź jakoha papiarednie źniaŭ rehistracyjnyja znaki. Ihnarujučy patrabavańni milicyi, kiroŭca admoviŭsia adčynić dźviery i zastaŭsia siadzieć u mašynie. Paśla kranuŭsia ź miesca i źbiŭ piaciarych vajskoŭcaŭ unutranych vojskaŭ. Najezd byŭ ździejśnieny na vajskoŭcaŭ unutranych vojskaŭ MUS, jakija znachodzilisia ŭ formiennym abmundziravańni i jakija prymali ŭdzieł u achovie hramadskaha paradku».
Pavodle viersii śledstva, źjechaŭ ź miesca zdareńnia, kinuŭ aŭtamabil u vadajomie niedaloka ad miesca ździajśnieńnia złačynstva. Z metaj alibi patelefanavaŭ u 102 i zajaviŭ pra ŭhon.
Paciarpiełymi vystupali vajskoŭcy-kantraktniki vajskovaj častcy 5524 Vasilčanka, Astapienka, Protas, Volis, Lapioškin. Jany zajavili patrabavańni ab kampiensacyi maralnaj škody: Vasilčanka — 500 rubloŭ, Volis, Lapioškin, Protas, Astapienka — pa 200 rubloŭ. Usie sumy kampienasavanyja da suda. Usie paciarpiełyja na sudzie zajavili, što pretenzij da abvinavačanaha nie majuć.
Sud adbyŭsia ŭ krasaviku, ale vyrak tak i nie byŭ abvieščany, praviali novy praces. Sudździa Dźmitryj Cykała zamienieny na Piatra Arłova.
14 maja Cichan vystupiŭ jašče raz z apošnim słovam.
«Ja realna ŭśviedamlaju, što padvierhnuŭ ryzycy zdaroŭje chłopcaŭ, ale spadziajusia, atrymaŭšy kampiensacyju, jakuju ja prasiŭ vypłacić svaich svajakoŭ, jany bolš nie trymajuć na mianie zła i kryŭdy.
Za peŭny čas u źniavoleńni ja ŭśviadomiŭ, da čaho moža pryvieści peŭnaja situacyja ŭ žyćci, jak z hetaj iłžezajavaj… Pryznaju, što ja nie maju racyi, ja heta niespadziavana zrabiŭ — napisaŭ iłžezajavu, raskajvajusia ŭ hetym, kali napisaŭ tłumačalnuju ŭ RUUS.
Z abvinavačańniem prakurora ja nie zhodny. Ja liču, što heta nie pravamierna — zanadta surovaje pakarańnie, ja adekvatny čałaviek, a to całkam zaklučeńnie, jakaja zrabiła sudova-psichijatryčnaja ekśpiertyza, a śpiecyjalisty raśpisali mianie jak stanoŭčaha i adekvatnaha čałavieka, ja nikoli ŭ žyćci nie pajšoŭ by na hvałt, a ŭžo na zabojstva kahości— tym bolš. Heta ŭvohule vyšej za mianie, ja nie razumieju, jak možna abvinavačvać čałavieka ŭ hetym».
Sud pa spravie ab najeździe BMW na siłavikoŭ 11 žniŭnia. Kiroŭcu pahražaje da 25 hadoŭ turmy
Ciapier čytajuć
U centry Minska tajamniča źnikła dačka dyrektara bujnoha ahrakompleksu10
Kamientary