Łatvijskaja avijakampanija airBaltic vyrašyła nie latać nad terytoryjaj Biełarusi. Pra heta, jak paviedamlaje partał Delfi, zajaviŭ ministr transpartu Łatvii Talis Linkajts.
«Naša nacyjanalnaja avijakampanija airBaltic bieśpierapynna sočyć za situacyjaj ź biaśpiekaj u pavietranaj prastory roznych krain. I ŭžo pryniała rašeńnie pakul nie vykarystoŭvać pavietranuju prastoru Biełarusi ŭ svaich palotach. Sa svaimi rekamiendacyjami vystupić i Łatvijskaje ahienctva hramadzianskaj avijacyi», — skazaŭ ministr.
Jon rastłumačyŭ, što heta rašeńnie było pryniata paśla vymušanaj pasadki ŭ Minsku samalota Ryanair i zatrymańnia Ramana Pratasieviča. Linkajts acharaktaryzavaŭ hetuju situacyju jak «nieardynarnuju», pa jaho słovach, jana naradžaje mnostva pytańniaŭ ab biaśpiecy palotaŭ u pavietranaj prastory.
Tak vyhladali trajektoryi siońniašnich rejsaŭ Ryha—Tbilisi i Ryha-Adesa.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary