Латвійская авіякампанія airBaltic вырашыла не лятаць над тэрыторыяй Беларусі. Пра гэта, як паведамляе партал Delfi, заявіў міністр транспарту Латвіі Таліс Лінкайтс.
«Наша нацыянальная авіякампанія airBaltic бесперапынна сочыць за сітуацыяй з бяспекай у паветранай прасторы розных краін. І ўжо прыняла рашэнне пакуль не выкарыстоўваць паветраную прастору Беларусі ў сваіх палётах. Са сваімі рэкамендацыямі выступіць і Латвійскае агенцтва грамадзянскай авіяцыі», — сказаў міністр.
Ён растлумачыў, што гэта рашэнне было прынята пасля вымушанай пасадкі ў Мінску самалёта Ryanair і затрымання Рамана Пратасевіча. Лінкайтс ахарактарызаваў гэтую сітуацыю як «неардынарную», па яго словах, яна нараджае мноства пытанняў аб бяспецы палётаў у паветранай прасторы.
Так выглядалі траекторыі сённяшніх рэйсаў Рыга—Тбілісі і Рыга-Адэса.
Удава актывіста Максіма Чарняўскага расказала пра яго пакуты перад суіцыдам5
Каментары