Navukoŭcy: Blizarukija ludzi śpiać horš, čym ludzi sa zdarovym zrokam
Sprava ŭ parušanych bijałahičnych rytmach i nizkim uzroŭni harmonu snu.
Blizarukaść, ci, jak jaje nazyvajuć miedyki, mijapija — stan zrokavaj sistemy, jaki jość u 30% darosłych i 10% dziaciej. Zhodna z novym daśledavańniem, takija ludzi jašče i śpiać horš za tych, chto maje zdarovy zrok.
Heta vyśvietlili navukoŭcy z aŭstralijskaha Univiersiteta Flindersa. Jany praanalizavali cyrkadnyja rytmy studentaŭ univiersiteta ź mijapijaj i z dobrym zrokam. Nahadajem, što cyrkadnyja rytmy — unutrany bijałahičny hadzińnik arhanizma, jaki kantraluje ŭsie fizijałahičnyja pracesy, u tym liku i son. Taksama navukoŭcy vyśvietlili kolkaść u arhaniźmie studentaŭ miełataninu — harmonu, ad jakoha taksama zaležyć jakaść snu, piša Daily Mail.
Atrymałasia, što ŭ ludziej ź mijapijaj cyrkadnyja rytmy značna spaźniajucca ŭ paraŭnańni z pakazčykami zdarovych ludziej. U dadatak, blizarukija ludzi majuć u arhaniźmie mienš miełataninu, čym zdarovyja.
Daśledčyki ličać, što sprava moža być ŭ štučnym aśviatleńni i pašyranym užyvańni elektronnych devajsaŭ dla čytańnia i ŭ volny čas. Hetyja devajsy vyłučajuć błakitnaje śviatło, jakoje moža pryhniatać vytvorčaść miełataninu i vyklikać parušeńnie cyrkadnych rytmaŭ. Heta, u svaju čarhu, viadzie da taho, što čałaviek doŭha nie moža zasnuć i jakaść jaho snu parušajecca. Ale pry hetym pakul dakładna nieviadoma, jak štučnaje śviatło i karystańnie elektronnymi devajsami ŭpłyvajuć na zrok.
-
Vučonyja adkryli amaładžalny efiekt raspaŭsiudžanaha preparatu ad dyjabietu
-
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
-
Vučonyja raskazvajuć, jak prostaja źmiena ŭ racyjonie charčavańnia moža palepšyć stan skury i imunitet
Šmatdzietnaja maci Volha Załatar vyjšła na svabodu, całkam adbyŭšy čatyrochhadovy termin6
Kamientary