Biełaruskaja avijakampanija «Biełavija» pakul nie budzie ździajśniać paloty ŭ Krym, zajaviŭ u efiry YouTube-kanała «Sałaŭjoŭ Live» jaje hienieralny dyrektar Ihar Čarhiniec, piša RBK.
Pavodle jaho słoŭ, adna z umoŭ dla vykanańnia rejsaŭ na paŭvostraŭ — «palityčnaje pryznańnie Kryma jak častki Rasii». «Budzie palityčnaje rašeńnie — budziem hladzieć», — zajaviŭ jon.
Kiraŭnik «Biełavii» dadaŭ, što jość jašče kamiercyjnaje pytańnie. Pa jaho słovach, kali Krym uvachodziŭ u skład Ukrainy, kampanija rabiła rejsy tudy ź pierapynkami. «To lotali, to nie lotali. To jość pasažyry, to niama pasažyraŭ. To ŭ aeraporcie ceny padniali — my nie lotajem. Źnizili — lotajem», — adznačyŭ jon.
29 maja ŭ Sočy prajšła niefarmalnaja sustreča Uładzimira Pucina i Alaksandra Łukašenki. Telehram-kanał «Puł pieršaha» paviedamiŭ, što jany damovilisia ab adkryćci novych rejsaŭ «Biełavii» ŭ rasijskija harady. Pres-sakratar rasijskaha prezidenta Dźmitryj Piaskoŭ u toj ža čas zajaviŭ, što na sustrečy nie ŭzdymałasia pytańnie ab palotach biełaruskaj kampanii ŭ Krym.
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary