Беларуская авіякампанія «Белавія» пакуль не будзе здзяйсняць палёты ў Крым, заявіў у эфіры YouTube-канала «Салаўёў Live» яе генеральны дырэктар Ігар Чаргінец, піша РБК.
Паводле яго слоў, адна з умоў для выканання рэйсаў на паўвостраў — «палітычнае прызнанне Крыма як часткі Расіі». «Будзе палітычнае рашэнне — будзем глядзець», — заявіў ён.
Кіраўнік «Белавіі» дадаў, што ёсць яшчэ камерцыйнае пытанне. Па яго словах, калі Крым уваходзіў у склад Украіны, кампанія рабіла рэйсы туды з перапынкамі. «То лёталі, то не лёталі. То ёсць пасажыры, то няма пасажыраў. То ў аэрапорце цэны паднялі — мы не лётаем. Знізілі — лётаем», — адзначыў ён.
29 мая ў Сочы прайшла нефармальная сустрэча Уладзіміра Пуціна і Аляксандра Лукашэнкі. Тэлеграм-канал «Пул першага» паведаміў, што яны дамовіліся аб адкрыцці новых рэйсаў «Белавіі» ў расійскія гарады. Прэс-сакратар расійскага прэзідэнта Дзмітрый Пяскоў у той жа час заявіў, што на сустрэчы не ўздымалася пытанне аб палётах беларускай кампаніі ў Крым.
Цяпер чытаюць
«Я ехала ад вайны і бамбёжак»: Яўгенія Чарняўская пра пераезд на Кіпр8
Каментары