8 červienia Biełaruskaja sacyjał-demakratyčnaja partyja atrymała aficyjnaje papiaredžańnie ad Ministerstva justycyi.
Pryčynaj stali ilustracyi Uładzimira Ceślera, jakija byli źmieščanyja ŭ trecim numary partyjnaha časopisa «Pazicyja».
Miniust paličyŭ, što peŭnyja ilustracyi źjaŭlajucca abraźlivymi ŭ dačynieńni da dziaržaŭnych ściaha i hierba.
«Heta śviedčyć ab jaŭnaj niepavazie BSDP da dziaržaŭnych simvałaŭ Biełarusi, a taksama prapahanduje niehatyŭnaje staŭleńnie da ich, što źjaŭlajecca parušeńniem patrabavańniaŭ Zakona «Ab dziaržaŭnych simvałach Respubliki Biełaruś», — havorycca ŭ paviedamleńni Ministerstva.
Ciapier BSDP musić «pryniać kompleks mier pa likvidacyi vyšejzhadanych parušeńniaŭ zakanadaŭstva i svajho statuta». Pra zroblenuju pracu jany musiać prainfarmavać Miniust da 11 červienia. Kali nijakich źmienaŭ nie adbudziecca, to partyi spačatku pahražajuć prypynieńniem dziejnaści, a potym i likvidacyjaj.
Vylecieła ŭ nieviadomym kirunku śpikierka KR Anžalika Mielnikava30
Kamientary