Da Uładzimira Mackieviča nie puskajuć jaho advakata. Mahčyma, fiłosafa ŭžo dapytali
Advakat Uładzimira Mackieviča Dźmitryj Łazavik paviedamiŭ «Našaj Nivie», što jon dahetul nie zmoh naviedać svajho padabaronnaha, jakoha zatrymali dva dni tamu. Pa jaho mierkavańni, ź fiłosafam užo mahli pravodzicca śledčyja dziejańni.
«4 žniŭnia źjaviłasia infarmacyja, što va Uładzimira pravodzicca pieratrus, ź im źnikła suviaź, u nas byŭ infarmacyjny vakuum, — raspavioŭ Dźmitryj Łazavik. — Učora kala 10 ranicy źjaviŭsia śpis tych, chto ŭtrymlivajecca na Akreścina. Tam było i proźvišča Mackieviča. Praz 20 chvilin ja pryjechaŭ na Akreścina, pradstaviŭsia, paprasiŭ naviedać svajho padabaronnaha.
Dziažurny adkazaŭ mnie, što heta možna zrabić tolki z dazvołu śledčaha. Ja ŭdakładniŭ, za kim zamacavany Mackievič. Mnie adkazali: za Śledčym kamitetam pa Minsku. Praź niekalki hadzin ja advioz tudy apaviaščeńnie ab pryniaćci abarony.
Siońnia z ranicy ja znoŭ pryjechaŭ u SK, ale ŭ ich adbyvałasia «mierapryjemstva pa ŭručeńni paśviedčańniaŭ». Sa śledčym ja skamunikavacca nie zmoh. Pakul što mnie nie ŭdałosia naviedać Uładzimira Mackieviča, ale miarkuju, što 4 žniŭnia ź im pravodzilisia niejkija śledčyja dziejańni. Dapuskaju, što heta adbyvałasia z parušeńniami, bo jon viedaŭ pra najaŭnaść u jaho advakata. I kali jamu tłumačyli pravy, jon dakładna prasiŭ by mianie vyklikać. Siońnia dniom ja budu jašče raz sprabavać sustrecca z padabaronnym».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary