Kali zachavajucca ciapierašnija tempy vakcynacyi, to 70% žycharoŭ u Litvie ŭdasca pryščapić da vieraśnia, a pa miery palapšeńnia situacyi možna budzie pierahledzieć abmiežavańni, skazaŭ kiraŭnik Ministerstva achovy zdaroŭja Arunas Dulkis.
«Pry ciapierašniaj situacyi 70-80% — heta taja viestka, jakaja važnaja dla nas. (…) Kali ciapierašnija tempy zachavajucca — takija, jakija nazirajucca apošnija niekalki tydniaŭ, to, mabyć, heta budzie siaredzina vieraśnia, druhaja jaho pałova», — skazaŭ ministr.
Jon zaŭvažyŭ, što kali Litvie ŭdasca dasiahnuć hetych pakazčykaŭ, a kolkaść pacyjentaŭ z COVID-19 u balnicach nie budzie raści, to častka zapłanavanych na 13 vieraśnia abmiežavańniaŭ možna budzie źmiakčyć.
«My mahli b sustreć vierasień, a tam urad pierahledzieŭ by hetyja abmiežavańni, ale nie dla ŭzmacnieńnia žorstkaści, a naadvarot — moh by być pierahlad u inšy bok», — skazaŭ Dulkis.
Jak paviedamlałasia, z 13 vieraśnia častku pasłuh zmohuć atrymlivać tolki ŭładalniki «pašpartoŭ mahčymaściaŭ», h. zn. pryščeplenyja abo tyja, chto niadaŭna pierachvareŭ ci zdaŭ PŁR-test.
Pa danych Departamienta statystyki, choć by adnoj dozaj u Litvie ciapier pryščepleny 56% žycharoŭ. U Biełarusi pieršuju dozu atrymali 16,2%.
Ciapier čytajuć
Načalnik kryminalnaha vyšuku MUS bačyŭ prahułačny dvoryk SIZA KDB z akna svajho kabinieta, a potym sam staŭ viaźniem6
Kamientary