Na aŭkcyjonie Bonhams u Hankonhu pradstavili znojdzieny niadaŭna kapialuš sa śladami DNK, jakija śviedčać, što hałaŭny ŭbor naležaŭ Napaleonu Banapartu. Arhanizatary aŭkcyjonu śćviardžajuć, što heta pieršy kapialuš, na jakim było zafiksavanaje DNK francuzskaha impieratara.
Ciapier kapialuš demanstrujuć u Hankonhu, adkul jon budzie pieraviezieny ŭ Paryž i paźniej u Łondan. Tam 27 kastryčnika i adbudziecca aŭkcyjon, paviedamlaje Guardian.
Šlapa pradstaŭlaje saboj dvuchvuhołku — mienavita ŭ takich hałaŭnych uborach Napaleona časta malavali na pole bitvy. Ciapierašni ŭładalnik nabyŭ jaje praz maleńki niamiecki aŭkcyjonny dom, pryčym tady nie było viadoma, kamu raniej naležała šlapa. Ale praz nadpisy i inšyja elemienty šlapy pakupnik pačaŭ zdahadvacca, što jana mahła naležać Banapartu.
Padčas pačatkovaha raźbiralnictva ekśpierty vyśvietlili, što šlapa pa svaich charaktarystykach i ŭzroście moža być dvuchvuhołkaj časoŭ Napaleona. Paźniej kapialuš daśledavali roznymi mietadami, u tym liku i z dapamohaj elektronnaha mikraskopa. U vyniku navukoŭcy znajšli na dvuchvuhołcy piać vałaskoŭ, i ŭ dvuch ź ich atrymałasia zafiksavać DNK Napaleona.
Arhanizatary aŭkcyjonu aceńvajuć šlapu u 100-150 tysiač funtaŭ sterlinhaŭ. Inšyja šlapy Banaparta pradavalisia pa bolš vialikim košcie — adna ź ich, naprykład, syšła z małatka za 1,9 miljonaŭ jeŭra. Ale ŭ ciapierašnim vypadku aŭkcyjonny dom aceńvaje kapialuš nie tak doraha, bo jaje prynaležnaść da Napaleona była dakazanaja nie tak daŭno.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova4
Kamientary