iPhone 13, novyja płanšety i hadzińnik: što prezientavała Apple ŭ aŭtorak
14 vieraśnia kampanija Apple praviała tradycyjnuju vosieńskuju prezientacyju i pakazała novaje pakaleńnie iPhone, iPad i «razumnych» hadzińnikaŭ. Mierapryjemstva znoŭ prajšło ŭ virtualnym režymie z-za pandemii karanavirusa.
Pieršaj z pryład kampanija pradstaviła novy iPad na pracesary A13 Bionic. Abiacajuć, što jon na 20% bolš pradukcyjny, čym papiarednik. Dyjahanal płanšeta — 10,2 cali, abjom pamiaci — ad 64 Hb, paviedamlaje RBK.
Jašče adna navinka — iPad mini, dyjahanal 8,3, pracesar A15 Bionic. Jak zajaŭlaje kampanija, u jaho taksama značna pavyšanaja pradukcyjnaść — na 40%. Pryłada padtrymlivaje 5G. Płanšet pradstaŭleny ŭ ružovym, fijaletavym «zornym» i «kaśmičnym šerym» kolerach.
Apple Watch Series 7 asnaščany supraćudarnym škłom, što nie prapuskaje vadu i pył, knopki pavialičany, ekran staŭ jarčejšym na 70% i bolšym za košt pamianšeńnia ramki. U hadzińnik dadali kłavijaturu z funkcyjaj T9
Taksama Apple pradstaviła servis Fitness+, u jakim jość 11 vidaŭ trenirovak, uklučajučy johu i siłavyja praktykavańni. Miarkujecca, što novyja treniroŭki praciahłaściu ad 5 da 45 chvilin tam buduć źjaŭlacca štotydzień, u dadatak (na iPhone, iPad abo Apple TV) buduć intehravacca pakazčyki karystalnika ź jaho Apple Watch.
Novaje pakaleńnie smartfonaŭ — iPhone 13 — atrymała pracesar A15 Bionic. Dyjahanal — 6,1 cali. Trochi źmianiłasia raźmiaščeńnie kamier — ciapier jany pa dyjahanali adna ad adnoj. Za košt hetaha, jak śćviardžaje kampanija, u korpus udałosia źmiaścić sistemu z pavialičanaj matrycaj šyrokavuholnaj kamiery i sistemu aptyčnaj stabilizacyi.
Novy iPhone pradstaŭleny ŭ piaci kolerach: ružovym, sinim, čyrvonym, «ciomnaja noč», «zichotkaja zorka». Abjom pamiaci ŭ liniejcy pryład pavialičany ŭ dva razy, tak što smartfonaŭ na 64 Hb bolš niama. Dastupnyja varyjanty — 128, 256 i 512 Hb.
Taksama pradstaŭleny iPhone 13 mini, dyjahanal — 5,4 cali.
iPhone 13 Pro taksama pakazali ŭ dvuch varyjantach — asnoŭnym (dyjahanal 6,1 cali) i Max (6,7 cali). U prezientacyi zrabili ŭpor na pavyšeńni jakaści zdymki trochkamiernaj sistemaj.
Pryłady buduć dastupnyja ŭ čatyroch kolerach: sierabrystym, zołatam, hrafitavym i niabiesna-błakitnym. Upieršyniu źjavicca Maksimalnaja jomistaść pamiaci ŭ 1 Tb.
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary