Pravaabaroncam stali viadomyja proźviščy niekatorych palitviaźniaŭ, jakich pamiłavali
Heta Viktar Kalinoŭski z Bresta, Valeryj Łoza sa Śvietłahorska i Maksim Šaŭlinski z Oršy dy inšyja.
Bieraściejec Viktar Kalinoŭski, asudžany da 2,5 hoda «chimii», adbyvaŭ pakarańnie ŭ škłoŭskaj PUAT №49. Jaho asudzili pa č. 2 art. 339 Kryminalnaha kodeksa za nadpisy na niekalkich prypynkach i handlovym kijosku ŭ Breście.
Žychara Śvietłahorska Valeryja Łazu abvinavačvali ŭ abrazie pradstaŭnika ŭłady ŭ suviazi z vykanańniem im svaich abaviazkaŭ (art. 369 Kryminalnaha kodeksa). Sud pryznačyŭ Valeryju 2,5 hoda abmiežavańnia voli z nakiravańniem na chimiju. Pakarańnie adbyvaŭ u Vaŭkavysku.
Maksim Šaŭlinski z Oršy byŭ asudžany da 2 hadoŭ «chimii» za kamientar u zakrytym telehram-čacie. Jaho abvinavacili ŭ paklopie na supracoŭnika milicyi pa artykule 188 Kryminalnaha kodeksa (Paklop). Svajo pakarańnie jon adbyvaŭ u Mazyry. Siońnia jaho taksama pavinny vyzvalić.
Ihar Bykoŭskich ź Minska, Jaŭhien Pašaluk z Kamianca i Jaŭhien Karalčuk z Stolina adbyvali pakarańnie ŭ PUAT №46, a Siarhiej Rudzinski ŭ vaŭkavyskaj PUAT №29.
Usie jany byli asudžanyja pa dyfamacyjnych artykułach: ździek ź dziaržaŭnych simvałaŭ, abraza pradstaŭnika ŭłady i abraza sudździ. Jaŭhiena Karalčuka asudzili da 1 hoda «chimii», Ihara Bykoŭskich — da 1,5 hadoŭ, Jaŭhiena Pašaluka — da 2 hadoŭ, Siarhieja Rudzinskaha — da 1,5 hadoŭ. Siońnia jany pavinny vyjści na volu.
Palitviaźnia Vadzima Syčaka ź Biarozy, asudžanaha da 1 hoda «chimii» za raźbitaje škło ŭ aŭtobusie 10 žniŭnia ŭ Biarozie (art. 339 Kryminalnaha kodeksu), pieravodziać na «chatniuju chimiju».
Alaksandr Babroŭ — 2,5 hady kałonii ahulnaha režymu (Arhanizacyja ci ŭdzieł u dziejańniach, jaki parušajuć hramadski paradak).
Siarod pamiłavanych — palitźniavolenaja miedsiastra ź Viciebska Julija Kašavierava, jakuju asudzili da 1,5 hoda kałonii
Jaje abvinavacili pa č.1 art. 339 KK (złosnaje chulihanstva) za toje, što jana padčas mirnaj akcyi pratestu 4 kastryčnika minułaha hodu sarvała masku i hałaŭny ŭbor z supracoŭnika MUS i ŭdaryła nahoj pa milicejskim busie. Na sudzie jana nie admaŭlała, što paśla taho, jak joj nie dali akazać dapamohu paciarpiełamu, nie strymałasia i naniesła try ŭdary pa zadnich dźviarach milicejskaha mikraaŭtobusa.
Za kratami miedsiastra znachodziłasia amal 11 miesiacaŭ. Julija adbyvała pakarańnie ŭ žanočaj homielskaj kałonii №4.
Što viadoma pra 13 čałaviek, jakich pamiłavaŭ Łukašenka?
Vylecieła ŭ nieviadomym kirunku śpikierka KR Anžalika Mielnikava30
Kamientary