«Kab byli ŭsie adno»: mitrapalit Juzaf Stanieŭski zaklikaŭ malicca za biełaruski narod
Na sajcie catholic.by apublikavali zvarot pryznačanaha arcybiskupa Mitrapalita Minska-Mahiloŭskaha Juzafa Stanieŭskaha da duchavienstva i viernikaŭ archidyjacezii. Jon budzie začytany taksama ŭ kaściołach Biełarusi ŭ niadzielu padčas imšy.
U zvarocie novy mitrapalit zaznačaje, što «Boh kliča mianie da novaha słužeńnia ŭ stalicy našaj dziaržavy ŭ samym centry Jeŭropy, u Kaściole z bahataj i słaŭnaj historyjaj, jakuju pisali jaho duchavienstva i vierniki, dastojnyja papiaredniki na katedry Minska i Mahilova, u tym liku śviedka viery našaha času śviatoj pamiaci kardynał Kazimir Śviontek. Usio heta vielmi abaviazvaje i ŭskładaje vialikuju adkaznaść, što, treba pryznacca, na niejki čas navat spałochała mianie».
Razam z tym jon prosić viernikaŭ i duchavienstva pryniać jaho, a taksama prosić «ab malitvie za Papu Franciška, biskupaŭ i duchavienstva, viernikaŭ archidyjacezii, za našu krainu i naš narod, kab my sapraŭdy mahli vykanać žadańnie našaha Zbaŭcy Jezusa Chrysta, ab čym Jon tak horača prasiŭ Niabiesnaha Ajca padčas apošniaj viačery: «Kab usie byli adno».
Słužyŭ u vojsku, sustrakaŭ Kandrusieviča na miažy. Što viadoma pra arcybiskupa Juzafa Stanieŭskaha
Kuryja Minska-Mahiloŭskaj archidyjacezii: arcybiskupa Stanieŭskaha niekarektna nazyvać kiraŭnikom usich biełaruskich katolikaŭ
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary