«Supracoŭniki ŭ bałakłavach pačali akazvać psichałahičnaje i fizičnaje ŭździejańnie». Dla błohiera Rusłana Lińnika zaprasili čatyry hady kałonii
U sudzie Maskoŭskaha rajona Minska 16 vieraśnia adbylisia sprečki pa spravie suprać palitźniavolenaha jutub-błohiera Rusłana Lińnika, jakoha za kratami ŭtrymlivajuć siem miesiacaŭ. Prakuror Jaŭhien Sierakoŭ zajaviŭ, što vina błohiera pa čatyroch artykułach Kryminalnaha kodeksa: č. 1 i č. 2 art. 367 (Paklop na prezidenta), č. 1 art. 368 (Abraza prezidenta), art. 369 (Abraza pradstaŭnika ŭłady), art. 188 (Paklop) — dakazanaja i prapanavaŭ sudu pazbavić Lińnika voli na čatyry hady. Na sudzie Rusłan Lińnik nie pryznaŭ vinu i admoviŭsia ad dačy pakazańniaŭ. Prysud sudździa Juryj Maškietaŭ abvieścić zaŭtra a 10-j hadzinie ranicy, paviedamlajuć pravaabaroncy.
Siońnia błohier vystupiŭ z mocnym apošnim słovam u sudzie:
«Ja, Lińnik Rusłan Michajłavič, abvinavačvajusia ŭ ździajśnieńni złačynstva, vinu nie pryznaju, spravu liču palityčna matyvavanaj.
20 lutaha ja byŭ zatrymany ŭ Viciebsku pa padazreńni ŭ ździajśnieńni złačynstva i byŭ źmieščany ŭ IČU, pazbaŭleny svaich zakonnych pravoŭ i ich abarony.
21 lutaha supracoŭniki milicyi i pravaachoŭnych orhanaŭ rabili nieadnarazovyja sproby vyśvietlić u mianie adras majoj zdymnaj kvatery i atrymać adkazy na inšyja pytańni, jakija ich cikaviać. Ja admaŭlaŭsia ad dačy pakazańniaŭ i nie davaŭ tłumačeńniaŭ.
22 lutaha supracoŭniki biez formiennaha adzieńnia, asoby byli ŭ bałakłavach, pačali akazvać psichałahičnaje i fizičnaje ŭździejańnie, kab daviedacca adras kvatery. Paśla pracesualnaha maŭčańnia na mianie byli nadzietyja kajdanki, i ŭsio praciahnułasia z novaj siłaj i pa novym scenary. U vyniku ja byŭ vymušany skazać adras, a taksama adkazać na pastaŭlenyja pytańni. Paźniej mnie daviałosia dać zhodu na daču pakazańniaŭ u Śledčym kamitecie, a taksama spadarožnuju videazdymku. Nie majučy mahčymaściaŭ Kryminalna-pracesualnaha zakanadaŭstva ŭ miežach pravavoha pola, ja byŭ vymušany pryznać vinu, tym samym ahavaryć siabie. U majoj kvatery adbyŭsia pieratrus, kanfiskavali abstalavańnie.
23 lutaha ŭ Minsku pa vulicy Akreścina supracoŭniki prapanavali zapisać videazvarot…»
Błohier zajaviŭ, što na jaho cisnuli, kab zapisać «pakajalnaje» videa. Jon pahadziŭsia, «bo viedaŭ nastupstvy niazhody». Palitviazień skazaŭ, što ŭžo nie spadziajecca na pravasudździe i vinavatym siabie nie ličyć.
Vylecieła ŭ nieviadomym kirunku śpikierka KR Anžalika Mielnikava30
Kamientary