Pra Zianona Łomacia ŭ cykle «Palitbiuro‑2009» piša Alaksandr Fiaduta.
Nikoli Zianon Łomać nie prahnuŭ trapić tak vysoka va ŭładu. Uvieś jahony pasłužny śpis davodzić: kožnaje novaje ŭzvyšeńnie Zianona Kuźmiča ŭ łukašenkaŭskuju epochu supravadžałasia jaho čarhovymi maralnymi ŭzrušeńniami. Pryčym karystacca tymi schavanymi dabrotami, jakija davaŭ Łomaciu novy status, jon bajaŭsia žudasna. Piša Alaksandr Fiaduta.
Z adnych łavaŭ
Kali nie ličyć Viktara Šejmana, dyk siońnia tolki dva byłyja deputaty Viarchoŭnaha Savietu BSSR CHII sklikańnia znachodziacca ŭ tym vuzkim kole, jakoje ŭ toj ci inšaj stupieni maje ŭładu. Nu, pieršaha, deputata K.Vachramiejeva, usie viedajuć jak mitrapalita Fiłareta. Druhi ž — naš siońniašni hieroj.
Zianon Łomać, pieršy sakratar Słuckaha harkamu partyi, zdajecca, byŭ nastolki prybity nastupstvami niaŭdałaha kamunistyčnaha putču, što jaho imia i proźvišča viedali chiba va ŭłasnaj akruzie. Jon nie šturchaŭ pramovaŭ z parłamienckaj trybuny, nie zmahaŭsia za asabisty rejtynh. Takaja šeraja myška z noraŭ viarchoŭna‑savieckaj bolšaści. Heta zrazumieła. Tak biaśpiečniej.
Ale toje, što postkamunistyčnaja ŭłada ŭ suvierennaj Biełarusi daloka nie viečnaja, Łomać viedaŭ dobra. Jon pierakonvaŭsia ŭ hetym štodnia, siedziačy ŭ svaim Słuckim rajonie i nie žadajučy bolšaha. Na Słuččynie jon byŭ haspadarom, a Minsk… Chalera jaho viedaje, hety Minsk. Dy nu jaho, hety Minsk!
Mienavita dobraje viedańnie situacyi ŭ pravincyi dazvoliła Łomaciu zrabić u 1994 h. słušnuju staŭku. Łomać — adzin ź niamnohich deputataŭ VS, jaki padpisaŭsia pad zajavaj ab vyłučeńni Alaksandra Łukašenki ŭ prezidenty Biełarusi. Heta zapatrabavała ad zaŭsiody pałachlivaha Łomacia takoj mužnaści, što, badaj, vyčarpała limit hetaj samaj mužnaści raz i nazaŭsiody. Ale vybar jon zrabiŭ i paśla pieramohi atrymaŭ u padparadkavańnie ŭsio toj ža Słucki rajon. Čaho žadaješ — toje i atrymaj!
Bolej Zianon Kuźmič nie žadaŭ aničoha.
Rost azimaha
Tak Łomać znoŭku apynuŭsia ŭ darahim jahonamu sercu cieni. Nu kamu cikavy staršynia Słuckaha rajvykankamu? Tolki žycharam adpaviednaha rajonu, dy jašče načalstvu. Praŭda, stałasia tak, što z tahačasnym načalstvam — pamiatnym Piatrom Piotucham — Łomacia źviazvała mieniej, čym z prezidentam, tak što hubiernatary — nie tolki Piotuch, ale ž i jahony pierajemnik — na Łomacia biez daj pryčyny nie cisnuli. Naadvarot: prezident kali kaho i pamiataŭ z rajonnych viertykalščykaŭ Minskaj vobłaści — dyk chiba Łomacia. I kožnaje pytańnie «A što tam Zianon? Spraŭlajecca?» — vyklikała vyklučna stanoŭčyja adkazy.
A kali adkazy stanoŭčyja, što rabić z čynoŭnikam? Prasoŭvać vyšej!
I Zianon Kuźmič byŭ pryznačany pamočnikam prezidenta — hałoŭnym inśpiektaram pa Homielskaj vobłaści.
Rabota inśpiektara, adkaznaha za rehijon, śpiecyfičnaja. Z hetaj pasady čynoŭniki rasstaŭlajuć inšych čynoŭnikaŭ, rajać to adnaho, to druhoha padnačalenaha ŭ prezidenckija reziervy. I da hetaha — razborki skandalnych situacyj, ad nieŭradžaju i da złoŭlenaha na haračym chabarnika. Faktyčna hałoŭny inśpiektar — hałoŭny kadravik vobłaści. U dadzienym vypadku — Homielskaj.
Źviarnicie ŭvahu, jak chutka ŭ svoj čas prybraŭ Łukašenka z pasady homielskaha hubiernatara Paŭła Šypuka. Šypuk byŭ, pa čutkach, abaviazany svajoj karjeraj usio tamu ž Vasilu Daŭhalovu. Ale vyśvietliłasia, što nie ŭsie daŭhaloŭskija kadry prydatnyja. I na źmienu Šypuku byŭ pryznačany Alaksandr Jakabson, jaki nie prosta karystaŭsia (i karystajecca) pavahaj na Homielščynie, ale i dobra raźbiraŭsia ŭ situacyi. I hałoŭnaje — ujaŭlaŭ sabie, jak varta pracavać.
Za hubiernataram jakabsonaŭskaj kvalifikacyi prosta być rehijanalnym iśpiektaram. I na pytańni, jak im pracujecca, abodva adkazvali ŭ adzin hołas:
— Narmalna! Ahulnaja mova znojdzienaja!
A bolšaha i nie patrabavałasia dla poŭnaha słužbovaha kamfortu. Zatoje i pra hubiernatara, i pra inśpiektara kiraŭnik dziaržavy čuŭ tolki dobraje.
Całkam artykuł Alaksandra Fiaduty čytajcie u pdf-viersii minułaha numara haziety.
Nastupny artykuł budzie pra Michaiła Miaśnikoviča.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary