Biełaruś płanuje da kanca hoda pačać vytvorčaść vakcyny «Sputnik V» pa poŭnym cykle
Ab hetym paviedamiŭ žurnalistam siońnia ministr achovy zdaroŭja Dźmitryj Pinievič, piša BiełTA.
«Poŭny cykł vytvorčaści «Sputnika V» da kanca hetaha hoda pačniecca na vuł. Aranskaj na płoščach «Biełmiedpreparataŭ», — skazaŭ Dźmitryj Pinievič.
Ministr nie ŭdakładniŭ, u jakich abjomach płanujecca vyrablać vakcynu pa poŭnym cykle na vytvorčaj placoŭcy ŭ Minsku.
«Naša asnoŭnaja zadača ciapier — kab heta była jakasnaja vakcyna. Jana pavinna paŭtarać u poŭnaj miery isnujučuju vakcynu», — adznačyŭ jon.
Dźmitryj Pinievič padkreśliŭ, što dla toj vytvorčaści, jakaja pačnie vypuskać vakcynu «Sputnik V», potym nie ciažkaj budzie łakalizacyja vakcyny «Sputnik Łajt».
«My zakupili vakcynu «Sputnik Łajt». Ciapier jaje davoli aktyŭna prymianiajem. Jaje łakalizacyja patrebna budzie tolki tady, kali budzie vidać, što «Sputnik Łajt» pojdzie ŭ šyroki abarot i dla hetaha budzie ekanamičnaja metazhodnaść, — dapoŭniŭ ministr. — Našy kalehi — stratehičnyja partniory z Rasijskaj Fiederacyi — akramia «Sputnik Łajt» raspracoŭvajuć jašče dziciačyja vakcyny na asnovie «Sputnika V».
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary