Uładalnik «Tabakierak» Aleksin pieranazvaŭ svaju kampaniju i pierapisaŭ jaje na synoŭ
Siamja Aleksinych pieranazvała svaju inviestycyjnuju kampaniju «Enierha-Oił-Inviest». Jana była adnym ź ich redkich aktyvaŭ, u dačynieńni da jakich nie dziejničajuć amierykanskija sankcyi, piša Ej.by.
Źmieny ŭ Adziny dziaržaŭny rehistr jurydyčnych asob i indyvidualnych pradprymalnikaŭ Ministerstva justycyi byli ŭniesieny ŭ siaredzinie vieraśnia hetaha hoda: «Enierha-Oił-Inviest» z hetaha času nazyvajecca «Hrantło».
«Enierha-Oił-Inviest» svaju historyju viadzie z 2014 hoda, u jakim była vydzielena z asnoŭnaha biznesu Aleksinych «Enierha-Oił». Hałoŭnym vidam jaje dziejnaści źjaŭlajecca pradastaŭleńnie kredytu, faktyčna — inviestavańnie ŭ novyja kamiercyjnyja prajekty.
U pryvatnaści, mienavita praz «Enierha-Oił-Inviest» Alaksiej i Ina Aleksiny da śniežnia 2020 hoda kantralavali 24, 99% dolu ŭ IT-kampanii «Siniezis». U hetym miesiacy ŭ suviazi z uviadzieńniem u dačynieńni da «Siniezisa» sankcyj z boku Jeŭrasajuza «Enierha-Oił-Inviest» vyjšła ź jaje kapitału. Taksama adbylisia źmieny i ŭ kapitale samoj «Enierha-Oił-Inviest» i ŭ jašče niekalkich inšych siamiejnych biznesach — Aleksiny-starejšyja pierapisali svaje doli na synoŭ Vitala i Dźmitryja. Ciapier Vitalu i Dźmitryju Aleksinym naležyć pa 50% u «Hrantło».
Uletku 2021 hoda Alaksiej Aleksin trapiŭ pad piersanalnyja sankcyi ZŠA. Amierykanskija ŭłady ŭklučyli ŭ «Čorny śpis» taksama niekalki kampanij (jak jurydyčna kantralavanych, tak i ŭžo nie kantralavanych na toj momant im), siarod jakich «Enierha-Oił», «Biełnaftahaz», «Bremina hrup» i «Inter tabaka».
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary