Padčas vizitu ŭ Brusiel Śviatłana Cichanoŭskaja sustrełasia ź viarchoŭnaj pradstaŭnicaj Jeŭrapiejskaha Sajuza pa zamiežnych spravach i palitycy biaśpieki Kajaj Kałas, paviedamlaje pres-słužba biełaruskaj demakratyčnaj lidarki.
Klučavymi pytańniami razmoŭ stała situacyja ŭ Biełarusi, mižnarodnyja namahańni pa vyzvaleńni palitviaźniaŭ, rola Biełarusi ŭ rehijanalnaj biaśpiecy i mahčymyja pierśpiektyvy budučych pieramoŭ pa Ukrainie.
Asobnaja ŭvaha była nadadziena pytańniu vyzvaleńnia palitviaźniaŭ i kamunikacyi z amierykanskim bokam u miežach humanitarnaha treku.
Padčas sustrečy Kaja Kałas padkreśliła:
«Jeŭrapiejski Sajuz vyrazna adroźnivaje biełaruski narod i režym Łukašenki, a palityka ES zastajecca dvuchbakovaj: izalacyja režymu i padtrymka biełaruskaha hramadstva».
Śviatłana Cichanoŭskaja padziakavała Kai Kałas i Jeŭrapiejskamu Sajuzu i adznačyła — budučynia jeŭrapiejskaj biaśpieki niepasredna zaležyć ad taho, ci zastaniecca Biełaruś niezaležnaj i demakratyčnaj:
«U intaresach Jeŭrasajuza — kab Biełaruś była svabodnaj, suvierennaj i pradkazalnaj dziaržavaj. U intaresach biełarusaŭ — kab u vyniku lubych pieramoŭ Biełaruś nie zastałasia pad kantrolem Rasii na hady».
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
Ci nie zastanucca biełarusy sam-nasam z Pucinym i čym hatovy dapamahčy Jeŭrasajuz? Intervju ź jeŭrakamisaram
«Premija naležyć usim biełarusam, jakija praciahvajuć zmahacca». Cichanoŭskaja ŭznaharodžanaja niamieckaj premijaj, jakuju atrymlivaŭ Havieł
Daradcy Cichanoŭskaj bačylisia z namieśnikam ministra zamiežnych spraŭ Biełarusi na samicie ABSIE
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača52
Kamientary